DMK

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!

இனமான பேராசிரியர் திருவுருவப் படத்திறப்பு விழா தொடங்கி நடைபெற்று வருகிறது. முக்கிய தலைவர் உரையாற்றுகிறார்கள்.

  • Twitter
  • Facebook
  • WhatsApp
Vignesh Selvaraj
Updated on
14 March 2020, 03:41 PM

“பேராசிரியரின் திருவுருவப் படத்தைத் திறந்து வைத்திருக்கும் இந்நேரத்தில் நாம் எடுத்திடவேண்டிய உறுதிமொழி : தமிழின உணர்வும், தமிழ் மொழிப் பற்றும், திராவிட இயக்கக் கொள்கையும் கொண்டவர்களாக நாம் தொடர்ந்து உழைத்திட வேண்டும். கலைஞரும், பேராசிரியரும் விட்டுச் சென்ற பணிகளை அவர்களின் வழிநின்று பணியாற்றிட உறுதியெடுப்போம்.”

- தி.மு.க தலைவர் மு.க.ஸ்டாலின்

14 March 2020, 03:38 PM

பேராசிரியர் குறித்து தி.மு.க தலைவர் மு.க.ஸ்டாலின் உருக்கம்!

“திராவிட இயக்கத் தலைவர்களிலேயே நூறாண்டு காணப்போகும் தலைவர் நம் பேராசிரியர் என அவரைச் சந்தித்துத் திரும்பும்போது பேசிக்கொண்டிருப்போம். ஆனால், அவர் நம்மையெல்லாம் மீளாத் துயரிலே ஆழ்த்திவிட்டுச் சென்றுவிட்டார்.”

- தி.மு.க தலைவர் மு.க.ஸ்டாலின்

14 March 2020, 03:32 PM

“பேராசிரியரை நான் மகனைப் போல கவனித்துக் கொண்டதாக நண்பர்கள் சொல்கிறார்கள்; சமூக வலைதளங்களிலே எழுதுகிறார்கள். அது தவறு; மகன் ‘போல’ அல்ல; நானும் அவரது மகன்தான்!”

- தி.மு.க தலைவர் மு.க.ஸ்டாலின் உருக்கம்!

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 03:30 PM

“எனக்குத் தொடர்ந்து தோள்கொடுத்த பேராசிரியரின் மறைவு தனிப்பட்ட முறையிலே எனக்கு மிகப்பெரிய இழப்பு.”

- தி.மு.க தலைவர் மு.க.ஸ்டாலின்

14 March 2020, 03:26 PM

பேராசிரியர் மறைவுக்கு எழுதிய இரங்கற்பாவை இன்றைய படத்திறப்பு நிகழ்வின்போது வாசித்துக் காட்டினார் தி.மு.க தலைவர் மு.க.ஸ்டாலின்.

14 March 2020, 03:26 PM

என்றைக்கும் பேராசிரியருக்கு மறைவு இல்லை!

“என்றைக்கும் பேராசிரியர் மறையவில்லை; எங்கள் நெஞ்சங்களில் நிறைந்திருக்கிறார்; இரத்த நாளங்களில் உறைந்திருக்கிறார் என்கிற உணர்வை ஊட்டுகிற விதத்தில் இந்த நிகழ்வு நடைபெற்றிருக்கிறது.”

- ஆசிரியர் கி.வீரமணி, திராவிடர் கழகத் தலைவர்

14 March 2020, 03:08 PM

“தளபதிதான் எங்கள் தலைவர்; தளபதிதான் எங்கள் பேராசிரியர்; தளபதிதான் திராவிடத்தின் தூண்; தளபதிதான் வருங்கால வரலாற்றின் பேரொளி”

- துரைமுருகன், தி.மு.க பொருளாளர்

14 March 2020, 02:59 PM

இரட்டைக் கோபுரங்களை காலன் சாய்த்துவிட்டான்!

“எங்கள் இதயச் சுமை இன்னும் இறங்கவில்லை. எங்கள் விழிநீர் இன்னும் நிற்கவில்லை. இந்த மாபெரும் இயக்கத்தின் இரட்டைக் கோபுரமாக கலைஞரும், பேராசிரியரும் விளங்கினார்கள். அந்தக் கோபுரங்களை அடுத்தடுத்து காலன் சாய்த்துவிட்டான். நாங்கள் கலங்கி நிற்கிறோம்.”

- துரைமுருகன், தி.மு.க பொருளாளர்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 02:55 PM

“பேராசிரியர் தமிழ்ச் சமூகத்தின் சுடரொளி. அவரது கருத்துகள் என்றைக்கும் நிலைத்து நீடித்து இருக்கக்கூடியவை. பேராசிரியரின் புகழ் வாழ்க!”

- கே.எஸ்.அழகிரி, தமிழக காங்கிரஸ் கமிட்டி தலைவர்

14 March 2020, 02:49 PM

“உடலால் உயிரால் நீங்கள் மறைந்திருக்கலாம். பிட்டி தியாகராயரும், நடேசனாரும், டி.எம்.நாயரும், தந்தை பெரியாரும், பேரறிஞர் அண்ணாவும், முத்தமிழறிஞர் கலைஞரும், பேராசிரியரும் திராவிட இயக்கத்தின் அழியாத பொற்சித்திரங்களாகத் திகழ்வார்கள்.”

- வைகோ, ம.தி.மு.க பொதுச் செயலாளர்

14 March 2020, 02:42 PM

“இனமானப் பேரொளியாகத் திகழ்ந்தவர் மறைந்த பேராசிரியர்” - வைகோ

14 March 2020, 02:37 PM

“திராவிட இயக்கத்தின் வரலாற்றை ஒப்புநோக்கிப் பார்க்கும்போது, அதன் எல்லா நிலைகளிலும் உறுதியோடு பயணித்த தலைவராக இருக்கிறார் பேராசிரியர். தி.மு.க இடர்களைச் சந்தித்த நேரங்களிலெல்லாம் உற்ற தலைவராகத் தோள் தாங்கியிருக்கிறார் பேராசிரியர்.”

- கே.பாலகிருஷ்ணன், சி.பி.ஐ(எம்) மாநில செயலாளர்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 02:34 PM

“தமிழகத்தில் திராவிட முன்னேற்றக் கழகத்தை பலவீனப்படுத்தினால் தங்களை பலப்படுத்திக் கொள்ளலாம் எனும் முயற்சியில் இறங்கியிருக்கிறார்கள் பாசிஸ்டுகள். அவர்களை எதிர்த்துச் சமர் புரிகிறார் தி.மு.க தலைவர் மு.க.ஸ்டாலின்.”

- இரா.முத்தரசன், சி.பி.ஐ மாநில செயலாளர்

14 March 2020, 02:22 PM

“தமிழ்நாட்டின் வருங்காலத்துக்கு ஒரு அற்புதமான தலைவரை நமக்கு எடுத்துக் காட்டியிருக்கிறார் பேராசிரியர்.”

- காதர் மொய்தீன், இந்திய யூனியன் முஸ்லிம் லீக்.

14 March 2020, 02:17 PM

“திராவிட முன்னேற்றக் கழகத்தின் சிகரமாக விளங்கிய பேராசிரியர் பின்பற்றிய கொள்கைகளை நாம் அனைவரும் பின்பற்ற வேண்டும்.”

- ஜவாஹிருல்லா, மனிதநேய மக்கள் கட்சி

14 March 2020, 02:11 PM

“தி.மு.க கழகத்தை கடமை கண்ணியம் கட்டுப்பாடு எனும் கொள்கை மாறாமல் கொண்டு சென்ற தலைவர் பேராசிரியர்.”

- பஷீர் அகமது, இந்திய தேசிய லீக் கட்சி

14 March 2020, 02:09 PM

மாண்புகள் மிகுந்த நட்பு!

“இலக்கயத்தில் கோப்பெருஞ்சோழனுக்கும் பிசிராந்தையாருக்குமிடையேயான நட்பைப் போற்றுவார்கள். அரசியலில் கார்ல் மார்க்ஸுக்கும், ஏங்கல்ஸுக்குமான நட்பைப் போற்றுவார்கள். நாம் வாழும் காலத்தில் ஒரு மாண்புகள் மிகுந்த நட்பை நாம் கண்முன்னே கண்டோம்.”

- தொல்.திருமாவளவன், வி.சி.க தலைவர்

14 March 2020, 02:00 PM

“மதவாதமும், சாதியவாதமும் தமிழகத்தைச் சூழ்ந்துவரும் நிலையில், தளபதி மு.க.ஸ்டாலின் மிகப்பெரிய சவாலை ஏற்கக்கூடிய தலைவராக நிறுத்தப்பட்டிருக்கிறார்.”

- தொல்.திருமாவளவன், வி.சி.க தலைவர்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 02:00 PM

“அண்ணாவுக்குப் பிறகு 50 ஆண்டுகாலம் பிற்போக்கு சக்திகளுக்கு பெரும் சவாலாக விளங்கியவர்கள் கலைஞரும், பேராசிரியரும்.”

- தொல்.திருமாவளவன், வி.சி.க தலைவர்

14 March 2020, 01:55 PM

“மொழிப்பற்றும், இனப்பற்றும், எளிமையும், நட்பும் பேராசிரியரின் அடையாளம். ஒரு கட்சியின் இரண்டாம் நிலை நிர்வாகி எப்படி இருக்கவேண்டும் என்பதற்கும் அவரே அடையாளம்.”

- ஈ.ஆர்.ஈஸ்வரன், கொங்குநாடு மக்கள் தேசிய கட்சி

14 March 2020, 01:51 PM

“பொதுவாக, பார்ப்பதற்கு ஆயிரம் கண்கள் வேண்டும் என்பார்கள். பேராசிரியரின் பேச்சைக் கேட்க ஆயிரம் காதுகள் வேண்டும். பேராசிரியரின் பேரும் புகழும் பல்லாண்டு வாழவேண்டும்.

- பாரிவேந்தர், இந்திய ஜனநாயக கட்சி

14 March 2020, 01:35 PM

சுப.வீரபாண்டியன் வடித்த இரங்கற்பா!

“பேராசிரியப் பெருந்தகை அவர்களே, பேரறிஞர் அண்ணா உங்கள் இல்லத்தில் சில நாட்கள் தங்கியிருக்கிறார். அன்னைத் தமிழோ உங்கள் இல்லத்தில் எப்போதும் தங்கியிருந்தது.”

- சுப.வீரபாண்டியன், திராவிட இயக்கத் தமிழர் பேரவை.

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 01:32 PM

பேராசிரியரின் பேரன் வெற்றியழகன் உருக்கம்!

“கலைஞர் தாத்தாவும், பேராசிரியர் தாத்தாவும் செம்மல்கள். இனமானம், தமிழின உணர்வு, தொண்டறம் ஆகியன ஊட்டி வளர்த்து செதுக்கிச் சேர்த்த பொற்சிலை தலைவர் மு.க.ஸ்டாலின்.”

- பேராசிரியரின் பேரன் வெற்றியழகன் உருக்கம்

14 March 2020, 01:23 PM

உரக்கப் பேசாத பேராசிரியரின் கையசைவுக்கு சட்டமன்றமே பெட்டிப் பாம்பாக அடங்கும்!

“உரக்கப் பேசாத பேராசிரியரின் கையசைவுக்கு சட்டமன்றமே பெட்டிப்பாம்பாக அடங்கும். அவரது ஆற்றலுக்கும், அறிவுக்கும், ஆளுமைக்கும் இருந்த மரியாதை அது.”

- தி.வேல்முருகன், தமிழக வாழ்வுரிமைக் கட்சி.

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 01:18 PM

“தமிழ்நாட்டின் அரசியல் வரலாற்றில் அப்பழுக்கற்ற மாமனிதர் பேராசிரியர். பொதுவாழ்வில் தூய்மையாக வாழ்ந்து காட்டிய மாசற்ற தலைவர் அவர்.”

- தி.வேல்முருகன், தமிழக வாழ்வுரிமைக் கட்சி.

14 March 2020, 01:11 PM

“கொண்ட கொள்கையிலும், ஏற்ற தலைமையிலும் மாறாமல் பயணித்தவர் இனமான பேராசிரியர். நட்புக்கு நோபல் பரிசு கொடுக்கவேண்டுமென்றால் தலைவர் கலைஞருக்கும் - பொதுச் செயலாளர் பேராசிரியருக்கும் தான் வழங்கவேண்டும்.”

- பொன்.குமார், தமிழ்நாடு விவசாயிகள், தொழிலாளர்கள் கட்சி

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 01:08 PM

“இரு மாபெரும் தலைவர்களை நாம் இழந்து நின்றாலும், தி.மு.க தலைவர் மு.க.ஸ்டாலின் தலைமையிலே இயக்கமும், தமிழகமும் சீரோடும், சிறப்போடும் பயணிக்கிறது.”

- பேராயர். எஸ்றா சற்குணம், இந்திய சமூகநீதி இயக்கம்.

14 March 2020, 01:00 PM

“உலகம் தோன்றியது முதல் அழியும் வரை, நட்புக்கு இலக்கணம் கலைஞரும் - பேராசிரியரும் தான். அவர்களது இழப்பு தமிழினம் வாழும் பகுதியெங்கும் ஏற்பட்டுள்ள இழப்பு.”

- கு.செல்லமுத்து, உழவர் உழைப்பாளர் கட்சி

14 March 2020, 12:50 PM

“எல்லாச் சூழலிலும் தி.மு.க-வோடு இணைந்து பயணிக்கிற ஈமான் கொண்டிருக்கிறது இஸ்லாமிய சிறுபான்மைச் சமுதாயம். எப்போதும் நாங்கள் தி.மு.க-வையே நம்பியிருக்கிறோம்.”

- திருப்பூர் அல்தாப், தமிழ் மாநில தேசிய லீக்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 12:47 PM

“தான் பங்கேற்கும் எந்தக் கூட்டமாக இருந்தாலும் இன உணர்வை ஊட்டத் தவறியதே இல்லை இனமான பேராசிரியர்.”

- திருப்பூர் அல்தாப், தமிழ் மாநில தேசிய லீக்

14 March 2020, 12:42 PM

“எந்தச் சூழ்நிலையிலும் ஒத்த கருத்தோடு செயல்பட்டு, அழிக்க முடியாத இயக்கம் தி.மு.க என நிறுவிக் காட்டியவர்கள் முத்தமிழறிஞர் கலைஞரும் பேராசிரியரும்.”

- பி.வி.கதிரவன், அகில இந்திய பார்வர்டு பிளாக்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 12:39 PM

“தமிழ் மக்களுக்காக 98 ஆண்டுகள் வாழ்ந்த இனமான பேராசிரியரின் மறைவு என்பது ஈடு செய்ய முடியாதது. கலைஞருக்கு உற்ற நண்பராக இருந்து தமிழ் மக்களிடையே எழுச்சியூட்டும் வகையில் பணியாற்றினார் பேராசிரியர்.”

- பி.என்.அம்மாவாசி, பார்வர்டு பிளாக் (வல்லரசு)

14 March 2020, 12:34 PM

“பல்கலைக்கழகங்கள் தோறும் வளர்க்கப்பட்ட இயக்கம் தி.மு.க. பேராசிரியர் எங்கெல்லாம் பேசுகிறாரோ அங்கெல்லாம் திராவிட இயக்கத்தின் பெருமை குறித்த உரை கேட்டது. சமூக நீதியைக் காக்கிற தன்மைதான் திராவிட இயக்கத்தின் அடித்தளமாக இருக்கிறது. இனமான பேராசிரியர் மறைவுக்கு ஆழ்ந்த இரங்கல்”

- அதியமான், ஆதி தமிழர் பேரவை

14 March 2020, 12:26 PM

இனமான பேராசிரியரின் திருவுருவப் படத்தைத் திறந்து வைத்தார் தி.மு.க தலைவர் மு.க.ஸ்டாலின்.

14 March 2020, 12:16 PM

“திராவிட இயக்கத்தின் ஆரக் கால்களில் ஒன்றாக தன்னையே அர்ப்பணித்துக்கொண்டு, தமிழர்களின் பகுத்தறிவுப் பல்கலைக்கழகமாக விளங்கியவர் இனமான பேராசிரியர்.”

- இனிகோ இருதயராஜ், கிறிஸ்தவ நல்லெண்ண இயக்கம்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 12:11 PM

கழகம் இருக்கும்வரை பேராசிரியரின் புகழ் இருக்கும்!

“கலைஞரின் மனசாட்சியாக இருந்தவர்; நட்பிற்கு இலக்கணமாக இருந்தவர்; திராவிட இயக்கத்தின் நிறம் மாறாதவர். சோதனைக் காலத்திலும் துணை நின்றவர். கழகம் இருக்கும்வரை பேராசிரியரின் புகழ் இருக்கும்.”

- சமத்துவ மக்கள் கழகத் தலைவர் எர்ணாவூர் நாராயணன்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 12:00 PM

“தி.மு.க-வின் அன்பகமாக பேராசிரியரும், அறிவகமாக கலைஞரும் இருந்தார்கள். அன்பகமும் அறிவகமும் இணைந்தவராக தி.மு.க தலைவர் மு.க.ஸ்டாலின் இருக்கிறார்.”

- மக்கள் விடுதலைக் கட்சியின் நிறுவனத் தலைவர் முருகவேல்ராஜன்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 11:57 AM

“பேரறிஞர் அண்ணா மறைந்தபோது முத்தமிழறிஞர் கலைஞர் எழுதிய இரங்கற்பாவைப் போல, தி.மு.க தலைவர் மு.க.ஸ்டாலின் அவர்கள் கலைஞரின் மறைவுக்கும், பேராசிரியரின் மறைவுக்கும் எழுதிய இரங்கற்பா நூறாண்டுகள் கடந்தும் நினைவில் நிற்கும்.

- மக்கள் விடுதலைக் கட்சியின் நிறுவனத் தலைவர் முருகவேல்ராஜன்

#LIVE “கலைஞர் - பேராசிரியர் வழியில் பணியாற்றுவோம் என உறுதியேற்போம்” : மு.க.ஸ்டாலின் உருக்கமான பேச்சு!
Admin
14 March 2020, 11:43 AM

திருவுருவப் படத்தைத் திறந்து வைக்கிறார் தி.மு.க தலைவர் !

திராவிடர் கழகத் தலைவர் ஆசிரியர் கி.வீரமணி தலைமையில், தி.மு.க தலைவர் மு.க.ஸ்டாலின் பேராசிரியரின் திருவுருவப் படத்தை திறந்து வைக்க இருக்கிறார். தி.மு.க பொருளாளர் துரைமுருகன் முன்னிலை வகிக்கிறார்.

14 March 2020, 11:40 AM

கடந்த மார்ச் 7ம் தேதி காலமான தி.மு.க பொதுச் செயலாளர் இனமான பேராசிரியர் அவர்களின் படத்திறப்பு விழா அண்ணா அறிவாலயம் கலைஞர் அரங்கில் தொடங்கியது.

banner

Related Stories

Related Stories