இந்தியா

“சீன ஊடுருவல் தெரியாதா? இல்லை தெரிந்தும் மௌனம் காத்தீர்களா?”- பிரதமர் மோடிக்கு ப.சிதம்பரம் சரமாரி கேள்வி!

சீன இராணுவத்தினர் இந்தியப் பகுதிக்குள் ஊடுருவியது தொடர்பாக, பிரதமர் மோடியிடம் ப.சிதம்பரம் பல்வேறு கேள்விகளை எழுப்பியுள்ளார்.

  • Twitter
  • Facebook
  • WhatsApp
Vignesh Selvaraj
Updated on

கிழக்கு லடாக்கில் உள்ள கல்வான் பள்ளத்தாக்கில் இந்திய, சீன படையினர் இடையே நடந்த மோதலில், தமிழக வீரர் உட்பட 20 இந்திய இராணுவத்தினர் பலியாகினர். இந்திய இராணுவத்தினர் நடத்திய பதில் தாக்குதலில் சீன இராணூவத்தினர் 40க்கும் மேற்பட்டோர் பலியானதாக கூறப்படுகிறது.

இந்தியா - சீனா இராணுவம் இடையேயான மோதலால் எல்லையில் போர் மூளும் அபாயம் நிலவி வருகிறது. இந்நிலையில் சீன அத்துமீறல் குறித்து பிரதமர் மோடி மறைத்தது ஏன் என காங்கிரஸ் மூத்த தலைவரும் எம்.பி-யுமான ப.சிதம்பரம் கேள்வி எழுப்பியுள்ளார்.

இதுதொடர்பாக ட்விட்டரில் பதிவிட்டுள்ள ப.சிதம்பரம், “அரசியல் கட்சிகளின் தலைவர்களைச் சந்திக்கும்போது கீழ்க்கண்ட கேள்விகளுக்குப் பிரதமர் மோடி பதில் அளிக்கவேண்டும் என்று மக்கள் எதிர்பார்க்கிறார்கள்” எனக் குறிப்பிட்டு 10 கேள்விகளை முன்வைத்துள்ளார்.

“சீன ஊடுருவல் தெரியாதா? இல்லை தெரிந்தும் மௌனம் காத்தீர்களா?”- பிரதமர் மோடிக்கு ப.சிதம்பரம் சரமாரி கேள்வி!

1. சீனத் துருப்புகள் இந்திய நிலப்பரப்பில் ஏப்ரல் மாதத்தில் ஊடுருவியபோது அதை இந்திய உளவு அமைப்புகள் கண்டுபிடிக்கவில்லையே, ஏன்?

2. இந்நிய எல்லையிலும் இந்திய நிலப்பரப்பிலும் சீனா கட்டுமானப் பணிகளைச் செய்ததையும் உளவுத்துறை கண்டுபிடிக்கவில்லையே, ஏன்?

3. இந்திய விண்வெளிக்கலங்கள் பூமியை நாள்தோறும் சுற்றி வானிலிருந்து படங்களைத் தொடர்ந்து அனுப்புகின்றனவே, அந்தப் படங்கள் சீன ஊடுருவலைக் காட்டவில்லையா?

4. மே மாதம் 5ஆம் தேதி சீன ஊடுருவலை இந்திய இராணுவம் எப்படிக் கண்டுபிடித்தது?

5. மே மாதம் 5ஆம் தேதியே பிரதமருக்கு ஊடுருவல் பற்றித் தகவல் தெரிவிக்கப்பட்டதா? நீங்கள் என்ன செய்தீர்கள்? உங்கள் நண்பர் சீன அதிபர் ஜீ- யைத் தொடர்பு கொண்டீர்களா?

6. சீன ஊடுருவல் பற்றி இந்திய மக்களுக்குத் தெரிவிக்க வேண்டும் என்று தங்களுக்குத் தோன்றவில்லையா? அல்லது தெரிவிக்க வேண்டாம் என்று முடிவெடுத்தீர்களா?

7. ஏழு வாரங்கள் தாங்கள் (பிரதமர்) மௌனம் காத்தீர்கள், ஏன்? ஒரு ஜனநாயக நாட்டில் இது போன்ற மௌனம் நியாயமா?

8. இருபது ஜவான்கள் மரணம், 85 பேர் காயம், 10 பேர் சிறைபிடிப்பு, இதற்குப் பிறகு தான் தங்கள் மௌனம் கலைந்தது, இது ஜனநாயக முறைக்கு உகந்ததா?

9. “கல்வான் பள்ளத்தாக்கு எங்களுக்குச் சொந்தம்” என்று சீனா அந்தப் பகுதியில் காலூன்றி விட்டதே, நீங்கள் என்ன செய்யப்போகிறீர்கள்?

10. வூஹான் மற்றும் மகாபலிபுரத்தில் நெருங்கிய நட்பு மலர்ந்ததாகப் பெருமைப்பட்டுக் கொண்டீர்களே, சீன அதிபர் ஜீ தங்களை ஏமாற்றிவிட்டார் என்பதை இப்போது உணர்கிறீர்களா?

banner

Related Stories

Related Stories