தமிழ்நாடு

சென்னை மக்களுக்கு நல்ல செய்தி... 17 மாவட்டங்களில் 2 நாட்களுக்கு மழை பெய்யும் - வானிலை மையம் தகவல்!

அந்தமான், வங்கக்கடல், அரபிக்கடல் உள்ளிட்ட கடற்பகுதியில் சூறாவளிக் காற்று வீசக்கூடும் என்பதால் ஜூலை 2 வரை மீனவர்களுக்கு எச்சரிக்கை விடுக்கப்பட்டுள்ளது.

  • Twitter
  • Facebook
  • WhatsApp
Updated on

தமிழகத்தில் அடுத்த 48 மணி நேரத்திற்கு வெப்பச்சலனம் மற்றும் வளிமண்டல மேலடுக்கு சுழற்சி காரணமாக சென்னை, திருவள்ளூர், காஞ்சிபுரம், வேலூர், கிருஷ்ணகிரி, சேலம், தர்மபுரி, கோவை, நீலகிரி, நாமக்கல், விழுப்புரம், கடலூர், நாகப்பட்டினம், தஞ்சாவூர், திருவாரூர், புதுவை, காரைக்கால் பகுதிகளில் ஓரிரு இடங்களில் லேசானது முதல் மிதமான மழையும் என சென்னை வானிலை தெரிவித்துள்ளது.

அடுத்த 24 மணி நேரத்தில் சேலம், தருமபுரி, கிருஷ்ணகிரி, வேலூர் மாவட்டங்களில் ஓரிரு இடங்களில் இடியுடன் கூடிய கனமழையும், அடுத்த 48 மணி நேரத்தில் சேலம், தருமபுரி, கிருஷ்ணகிரி, வேலூர், நீலகிரி, கோவை, தேனி, திருவண்ணாமலை மாவட்டங்களில் ஓரிரு இடங்களில் கனமழையும் பெய்யக்கூடும்.

சென்னை மக்களுக்கு நல்ல செய்தி... 17 மாவட்டங்களில் 2 நாட்களுக்கு மழை பெய்யும் - வானிலை மையம் தகவல்!

அதேபோல, சென்னையைப் பொறுத்தவரை அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒரு சில பகுதிகளில் லேசானது முதல் மிதமான மழை பெய்யக்கூடும். அதிகபட்ச வெப்பநிலை 38 டிகிரி செல்சியஸும் குறைந்தபட்ச வெப்பநிலை 29 டிகிரி செல்சியஸை ஒட்டியும் இருக்கும்.

கடந்த 24 மணி நேரத்தைப் பொறுத்தவரை அதிகப்படியாக கோவை மாவட்டம் சின்னகல்லாறில் 3 செ.மீ மழையும், திருவண்ணாமலை சாத்தனூர் அணை, கிருஷ்ணகிரி ஊத்தங்கரை, காஞ்சிபுரம் கொளப்பாக்கம், கோவை சோலையார், திருப்பத்தூர், வேலூர் மேலாளத்தூர், வேலூர் நாட்றம்பள்ளி, நீலகிரி எமரால்ட், தேனி பெரியார் ஆய பகுதிகளில் தலா 2 செ.மீ மழையும் பதிவாகியுள்ளது.

சென்னை மக்களுக்கு நல்ல செய்தி... 17 மாவட்டங்களில் 2 நாட்களுக்கு மழை பெய்யும் - வானிலை மையம் தகவல்!

மீனவர்களுக்கான எச்சரிக்கை

அடுத்த இரு நாட்களுக்கு தென்கிழக்கு, வடகிழக்கு வங்கக் கடல் மற்றும் வடக்கு அந்தமான் பகுதிகளில் சூறாவளிக் காற்று மணிக்கு 40 முதல் 50 கி.மீ வேகத்திலும், இன்றில் இருந்து வரும் ஜூலை 2ஆம் தேதி வரை தென்மேற்கு மற்றும் மத்திய மேற்கு அரபிக்கடல் பகுதியில் பலத்த காற்று மணிக்கு 50 முதல் 60 கிலோ மீட்டர் வேகத்தில் வீசக்கூடும் என்பதால் மீனவர்கள் மேற்கண்ட பகுதிகளில் மீன்பிடிக்கச் செல்ல வேண்டாம் என சென்னை வானிலை மையம் அறிவுறுத்தியுள்ளது.

banner

Related Stories

Related Stories