விளையாட்டு

தென் ஆப்ரிக்காவில் களமிறங்கிய ஐ.பி.எல் அணிகள்.. ஜோகனஸ்பர்க் அணியை தட்டி தூக்கிய CSK!

தென் ஆப்பிரிக்கா நாட்டில் கிரிக்கெட் பிரிமியர் லீக் தொடரின் பங்கேற்கும் முக்கிய அணிகளை ஐ.பி.எல் அணிகள் வாங்கியுள்ளது.

தென் ஆப்ரிக்காவில் களமிறங்கிய ஐ.பி.எல் அணிகள்.. ஜோகனஸ்பர்க் அணியை தட்டி தூக்கிய CSK!
  • Twitter
  • Facebook
  • WhatsApp
Praveen
Updated on

உலக அளவில் பிரபலமான கிரிக்கெட் தொடர் என்றால் அது இந்தியாவில் நடக்கும் ஐ.பி.எல் தொடர்தான். ஐ.பி.எல் தொடர் ஆரம்பிக்கும் வரை சாதாரண கிரிக்கெட் அமைப்பாக இருந்த பி.சி.சிஐ இதன்பின்னர் பெரும் வலிமை வாய்ந்த பணக்கார கிரிக்கெட் அமைப்பாக மாறியது.

ஆரம்பத்தில் லாபம் கிடைக்குமா? என தயங்கி ஐ.பி.எல்.லில் முதலீடு செய்த அணி உரிமையாளர்கள் இப்போது போட்டதை விட பல மடங்கு லாபம் பார்த்துள்ளனர். அதோடு இதில் முதலீடு செய்யும் ஸ்பான்சர்களும் வணிக ரீதியாக லாபம் அடைந்து வருகின்றனர்.

தென் ஆப்ரிக்காவில் களமிறங்கிய ஐ.பி.எல் அணிகள்.. ஜோகனஸ்பர்க் அணியை தட்டி தூக்கிய CSK!

ஐ.பி.எல் தொடரின் வெற்றியைத் தொடர்ந்து, ஆஸ்திரேலியா, பாகிஸ்தான், இலங்கை,வங்கதேசம் போன்ற பல்வேறு நாடுகளில் ஐ.பி.எல் பாணியில் கிரிக்கெட் தொடர்கள் ஆரம்பிக்கப்பட்டுள்ளன. அங்கும் அவை வணிக ரீதியாக வெற்றியை பெற்றுவருகின்றன.

இந்த நிலையில், தென் ஆப்பிரிக்க கிரிக்கெட் நிர்வாகமும், ஐ.பி.எல் பாணியிலான தொடரை ஆரம்பித்துள்ளது. 6 அணிகள் கொண்ட இந்த தொடரில் அணிகளை ஏலம் எடுக்க அறிவிப்பு வெளியானது. இந்த தொடரில் அணிகளை வாங்க ஐ.பி.எல் அணிகளின் உரிமையாளர்கள் அதிகம் ஆர்வம் காட்டினர்.

தென் ஆப்ரிக்காவில் களமிறங்கிய ஐ.பி.எல் அணிகள்.. ஜோகனஸ்பர்க் அணியை தட்டி தூக்கிய CSK!

தற்போது அதன் முடிவுகள் வெளியாகியுள்ளது. அதில், ஜோகனஸ்பர்க் அணியை சென்னை சூப்பர் கிங்ஸ் அணியும், கேப்டவுன் அணியை மும்பை இந்தியன்ஸ் அணியும், டர்பன் அணியை லக்னோ சூப்பர் ஜெயிண்ட்ஸ் அணியும், போர்ட் எலிசபத் அணியை சன் ரைஸர்ஸ் ஹைதிராபாத் அணியும், பிரிட்டோரியா அணியை டெல்லி கேபிடல்ஸ் அணியும், பார்ல் அணியை ராஜஸ்தான் ராயல்ஸ் அணியும் வாங்கியுள்ளது

banner

Related Stories

Related Stories