சட்டம் ஒழுங்கு சீர்கேடு.. தவெக எம்.எல்.ஏ-க்களின் ஆட்டம்.. கட்டுப்படுத்துவாரா டம்மி CM? : உதயநிதி கேள்வி!

தமிழ்நாட்டில் பண்டிகை நாட்களில் மக்கள் மகிழ்ச்சியாக இருப்பார்கள் என்பதே வழக்கமாக இருந்து வந்தது. ஆனால், தவெக ஆட்சியில் அதற்கும் வேட்டு வைத்தது போல, தீபாவளி நாளன்று மட்டும் கிட்டத்தட்ட 13-க்கும் மேற்பட்ட கொலைச் சம்பவங்கள் நடந்து மக்களை கடும் அதிர்ச்சிக்குள்ளாக்கி உள்ளது.

குறிப்பாக இதுகுறித்து அமைச்சர் ராஜ்மோகன், பண்டிகை காலங்களில் கொலை சம்பவங்கள் நடப்பது புதிதல்ல எனப் பேசியிருப்பது மக்களிடையே மேலும் கொந்தளிப்பை ஏற்படுத்தியுள்ளது.

இதுகுறித்து முதலமைச்சர் விஜய்க்கு பல்வேறு கேள்விகளை எழுப்பியுள்ளார் எதிர்க்கட்சித் தலைவர் உதயநிதி ஸ்டாலின். அவர் வெளியிட்டுள்ள பதிவில், சட்டம் ஒழுங்கு சீர்கேட்டையும் - தன் சட்டமன்ற உறுப்பினர்களின் ஆட்டத்தையும் எப்போது கட்டுப்படுத்துவார் டம்மி CM?

தமிழ்நாட்டில் இதுவரை இல்லாமல் இருந்த துப்பாக்கி கலாச்சாரத்தை இந்த சோப்ளாங்கி ஆட்சியாளர்கள் கொண்டு வந்துவிட்டார்கள்.

குடியாத்தம் அருகே ஞானவேல் என்பவர் துப்பாக்கியால் சுட்டுக்கொல்லப்பட்டு இருப்பது அதிர்ச்சி அளிக்கிறது.

ஒரே நாளில் 9, 11, 13 என நிமிடத்துக்கு நிமிடம் கொலைகளின் எண்ணிக்கை ஏறிக்கொண்டே போவதை பார்த்து தமிழ்நாடே பதறினால் - அதெல்லாம் ‘பண்டிகை காலக் கொலைகள்’ என்கிறது வெட்கங்கெட்ட அரசு.

நுங்கம்பாக்கத்தில் பெட்ரோல் குண்டு வீசப்பட்ட சம்பவத்தை ‘எரியும் பொருள்’ என்கிறது காவல்துறை.

குற்றச்சம்பவங்களை Cover Up செய்ய, இவர்கள் வைக்கும் பெயர்களைக் கொண்டு தனி dictionary-ஏ போடலாம்.

தேனியில் காவலர் கொல்லப்பட்ட சம்பவத்தில், பணியில் இருந்த போது கொல்லப்பட்டார் என்று Dummy CM-ம், பணியில் இல்லாத போது கொல்லப்பட்டார் என்று CM-ன் காவல்துறையும் முரண்பட்ட அறிக்கைகளை விடுகின்றனர்.

மிரட்டல் - அடிதடி - கட்டப்பஞ்சாயத்து - கமிஷன் - பாலியல் தொல்லை என ஆளுங்கட்சி MLA-க்களின் attrocity-யால் சாமானியர் முதல் பெண் IAS அதிகாரி வரை பாதிக்கப்படுகிறார்கள்.

இது எதற்கும் வாயை திறக்காமல், பொறுப்பேற்காமல், Sleep Mode-இல் இருக்கும் முதலமைச்சர் உடனே விழித்து உரிய நடவடிக்கை எடுக்க வேண்டும், என தெரிவித்துள்ளார்.