இந்தியா

“இந்தியாவில் 13,000 கொரோனா நோயாளிகளுக்கு எந்தவித அறிகுறிகளும் இல்லை” : ICMR வெளியிட்ட அதிர்ச்சி தகவல்!

இந்தியாவில் முதல் முறையாக உறுதிப்படுத்தப்பட்ட கொரோனா வழக்குகளில் 69 சதவீத நோயாளிகளுக்கு எந்தவித அறிகுறியில்லாமல் இருப்பது கண்டறியப்பட்டுள்ளது.

  • Twitter
  • Facebook
  • WhatsApp
Premkumar
Updated on

இந்தியாவில் தினந்தோறும் கொரோனா பாதிப்பு அதிகரித்துக்கொண்டே வருகிறது. இந்தியாவில் கொரோனா உறுதியானோர் எண்ணிக்கை 18,985லிருந்து 19,984ஆக உயர்ந்துள்ளது. உயிரிழந்தோர் எண்ணிக்கை 603லிருந்து 640ஆக உயர்ந்துள்ளது.

இந்நிலையில் நிலைமை இன்னும் சரியாகததால் சில மாநிலங்களில் ஊரடங்கு தளர்த்தப்படாமல் உள்ளது. அதனால் ஊரடங்கு மேலும் நீட்டிக்கப்படும் அபாயமும் ஏற்படலாம். இந்நிலையில், இந்தியாவின் உயர்மட்ட சுகாதார ஆராய்ச்சி நிறுவனம், இந்தியாவில் முதல் முறையாக உறுதிப்படுத்தப்பட்ட கொரோனா வழக்குகளில் 69 சதவீத நோயாளிகளுக்கு எந்தவித அறிகுறியில்லாமல் இருப்பது கண்டறியப்பட்டுள்ளது.

அதாவது இந்தியாவில் சுமார் 13,000 கொரோனா நோயாளிகளுக்கு எந்த அறிகுறிகளும் இல்லை என அதிர்ச்சி தகவலை தெரிவித்துள்ளது. இதன் விளைவாக, 10 கொரோனா வைரஸ் நோயாளிகளில் 7 பேர் ஒரு கட்டத்தில் தனிமைப்படுத்தப்படாவிட்டால் நோய்த்தொற்று அமைதியான பரவல்களாக மாறிவிடுவார்கள் என்று எச்சரிக்கையும் விடுத்துள்ளனர்.

“இந்தியாவில் 13,000 கொரோனா நோயாளிகளுக்கு எந்தவித அறிகுறிகளும் இல்லை” : ICMR வெளியிட்ட அதிர்ச்சி தகவல்!

இந்தியாவில், நாட்டில் சுமார் 19,000 பேருக்கு மேல் பாதிக்கப்பட்ட நிலையில், அரசாங்கத்தின் மதிப்பீட்டின் படி இவர்களில் சுமார் 13,000 பேருக்கு இந்த நோயுடன் அடையாளம், அறிகுறிகள் எதுவும் இல்லை என்று கூறுகிறது.

இந்த தகவலை இந்திய மருத்துவ ஆராய்ச்சி கவுன்சிலின் தலைமை தொற்றுநோயியல் நிபுணர் டாக்டர் ஆர்.ஆர்.கங்ககேத்கர் தெரிவித்துள்ளார். இதுதொடர்பாக நடத்தப்பட்ட பத்திரிக்கையாளர் சந்திப்பின் போது பேசிய கங்ககேத்கர், “இந்தியாவில் கொரோனாவால் பாதிக்கப்பட்டதில் 80 சதவிகிதம் பேருக்கு வைரஸ் பாதிப்புக்கான எந்த அறிகுறியும் தென்படவில்லை; தொற்று பாதிப்பு உள்ளவர்களுடனான தொடர்பை கண்டறிதல் (Contact Tracing) முறை மட்டுமே கைகொடுக்கிறது.

அதுமட்டுமின்றி, அறிகுறிகள் இல்லாதவர்களில் பெரும்பாலோர் நேர்மறையான நிகழ்வுகளின் அடையாளம் காணப்பட்டவர்கள். ஹாட்ஸ்பாட் பகுதிகளில் கடுமையான கடுமையான சுவாச நோய்கள் மற்றும் இன்ஃப்ளூயன்ஸா போன்ற நோய்களால் மருத்துவமனையில் சேர்க்கப்பட்ட அனைத்து நோயாளிகளையும் பரிசோதிக்கப்பட்டபோது இந்த உண்மை கிடைத்தது. தற்போது இந்த சோதனை விரிவாக்கப்பட்டள்ளது.

“இந்தியாவில் 13,000 கொரோனா நோயாளிகளுக்கு எந்தவித அறிகுறிகளும் இல்லை” : ICMR வெளியிட்ட அதிர்ச்சி தகவல்!

உலகளவில், கொரோனா நோயாளிகளில் சுமார் 80 சதவீதம் பேருக்கு லேசான அல்லது அறிகுறிகள் இருப்பதாக மதிப்பிடப்பட்டுள்ளது. அதேநேரத்தில் அப்படி லேசான அறிகுறிகள் இப்பவர்கள் மருத்துவமனையில் அனுமதிக்க வேண்டியதில்லை. அதில் தொற்று பாதிப்பு அதிகான 15 சதவீதம் பேரே நோய்வாய்ப்பட்டுள்ளனர். அதிலும் 5 சதவீதத்தினருக்கு மட்டுமே ஐ.சி.யூ பராமரிப்பு தேவை. இதில், ஏறக்குறைய மூன்று சதவீதம் பேர் இறுதியில் தொற்றுநோய்க்கு ஆளாகின்றனர்.

அறிகுறியற்ற வழக்குகளின் பெரும்பகுதி, மருத்துவமனை பராமரிப்பு தேவையில்லை என்றாலும், இந்த நோயாளிகள் இன்னும் பலருக்கு கவனக்குறைவால் பரப்பலாம்; அதனால் பலர் கடுமையாக நோய்வாய்ப்படக்கூடும்.

நோய்த் தாக்குதலுக்கான அறிகுறியே இல்லாததால் பாதிக்கப்பட்டவர்களை எளிதில் அடையாளம் காண்பதில் மிகுந்த சிரமம் நீடிக்கிறது. ஆகவே மக்கள் கட்டாயம் தனிமனித இடைவெளியைக் கடைபிடித்து ஊரடங்கு உத்தரவுகளை பின்பற்ற வேண்டும்” என தெரிவித்துள்லார்.

“இந்தியாவில் 13,000 கொரோனா நோயாளிகளுக்கு எந்தவித அறிகுறிகளும் இல்லை” : ICMR வெளியிட்ட அதிர்ச்சி தகவல்!

இதற்கிடையில், பொது சுகாதார ஆராய்ச்சியாளர் டாக்டர் ஓமன் ஜான் கூறுகையில், “COVID-19 தொடர்பாக காய்ச்சல், வறட்டு இருமல் மற்றும் மூச்சுத் திணறல் ஆகியவற்றின் கிளாசிக்கல் அறிகுறிகளைத் தவிர, நோயாளிகளில் குறிப்பிட்ட கேள்விகள் இல்லாததால் அவற்றில் சில ஆவணப்படுத்தப்படாமல் போகலாம்.

குறிப்பாக, இரைப்பை குடல் பிரச்சனை, வாசனை இல்லாமை மற்றும் தலைவலி போன்ற குறைவான அறியப்பட்ட அறிகுறிகள் உள்ளன. அவைகள் விரைவான சோதனை அமைப்புகளில் தவறவிடக்கூடும்" என தெரிவிக்கிறார்.

இந்த செய்தி நாட்டு மக்களிடையே மிகுந்த அதிர்ச்சியை ஏற்படுத்தியுள்ளது. இதனால் மக்கள் மிகுந்த கவனத்துடன் விழிப்புணவுடன் இருக்கவேண்டும் என மருத்துவ வல்லுநர்கள் தெரிவித்துள்ளார்.

banner

Related Stories

Related Stories