இந்தியா

டெல்லியில் தேர்தல் நடைபெறும்போதே இஸ்லாமியர்களை மிரட்டும் பா.ஜ.க- ட்விட்டரில் பகிர்ந்த வீடியோவால் சர்ச்சை!

டெல்லியில் வாக்களிக்க வரிசையில் நிற்கும் இஸ்லாமிய பெண்களின் வீடியோ ஒன்றை பகிர்ந்து மிரட்டும் விடுக்கும் நோக்கில் பதிவிட்டுள்ள ட்விட்டர் பதிவால் பெரும் சர்ச்சை எழுந்துள்ளது.

  • Twitter
  • Facebook
  • WhatsApp
Premkumar
Updated on

70 இடங்களைக் கொண்டுள்ள டெல்லி சட்டமன்றத் தேர்தலுக்கான வாக்குப்பதிவு இன்று நடைபெற்று வருகிறது. இந்நிலையில், கர்நாடக பா.ஜ.கவின் அதிகாரப்பூர்வ ட்விட்டர் பக்கத்தில் இஸ்லாமியர்களை எச்சரிக்கும் விதமாக ஒரு பதிவை வெளியிட்டுள்ளனர்.

அந்தப் பதிவுடன் இணைக்கப்பட்டுள்ள வீடியோவில் இஸ்லாமிய பெண்கள் வாக்களிப்பதற்காக வாக்காளர் அடையாள அட்டையுடன் நிற்கும் காட்சியைப் பகிர்ந்து, “Kaagaz Nahi Dikayenge Hum” என இந்தியில் “ஆவணங்களை காட்டமாட்டோம்” என இஸ்லாமியர்கள் கூறியதை கிண்டலடிக்கும் வகையில் பதிவிட்டுள்ளனர்.

மேலும், “உங்களது இந்த ஆவணங்களை பாதுகாப்பாக வைத்துக்கொள்ளுங்கள். தேசிய குடிமக்கள் பதிவேடு நடைமுறை செயல்படுத்தப்படும்போது இதனை மீண்டும் காட்டவேண்டிய கட்டாயம் ஏற்படும்” எனவும் குறிப்பிட்டுள்ளனர்.

டெல்லியில் தேர்தல் நடைபெறும்போதே இஸ்லாமியர்களை மிரட்டும் பா.ஜ.க- ட்விட்டரில் பகிர்ந்த வீடியோவால் சர்ச்சை!

கர்நாடக பா.ஜ.க-வின் இத்தகைய ட்விட்டர் பதிவிற்கு கடும் கண்டனங்கள் எழுந்துள்ளன. குடியுரிமை சட்டம், தேசிய குடிமக்கள் பதிவேடு ஆகியவற்றை எதிர்த்து மக்கள் போராட்டம் நடத்திவரும் வேளையில் இதுபோன்ற பதிவு போராட்டக்காரர்களை கொச்சைப்படும் நோக்கில் இருப்பதாகவும் குற்றம்சாட்டுகின்றனர்.

டெல்லியில் இன்னும் தேர்தல் முடிவடையாத நிலையில், கர்நாடக பா.ஜ.கவினரின் இந்த மதரீதியிலான ட்விட்டர் பதிவால், டெல்லி தேர்தலில் பா.ஜ.கவிற்கு பாதிப்பு ஏற்படும் எனவும் பலர் கருத்துத் தெரிவித்துள்ளனர்.

banner

Related Stories

Related Stories