தி.மு.க

“நம்மிடையேயான அன்பை பேனர்கள் ஒருபோதும் அதிகரிக்காது” : உதயநிதி ஸ்டாலின் உருக்கமான அறிவிப்பு!

உயிரைப் பறிக்கும் பேனர் கலாச்சாரத்தை ஒழிக்கவேண்டும் என்று வலியுறுத்தியுள்ளார் தி.மு.க இளைஞரணி செயலாளர் உதயநிதி ஸ்டாலின்.

  • Twitter
  • Facebook
  • WhatsApp
Vignesh Selvaraj
Updated on

விதிமீறி கட்டடப்பட்டிருந்த அ.தி.மு.க பேனரால் நேற்று முன்தினம் ஏற்பட்ட விபத்தில் சுபஸ்ரீ எனும் இளம்பெண் மரணம் அடைந்த நிலையில் நீதிமன்றம் அரசியல் கட்சிகளை கடுமையாக சாடியதோடு, இந்த விபத்துக்கு காரணமானவர்கள் மீது கடுமையான நடவடிக்கை எடுக்கவேண்டும் என உத்தரவிட்டது. முன்னதாக, தி.மு.க தலைவர் மு.க.ஸ்டாலின், பேனர்கள் வைக்கும் கட்சியினரின் விழாவிற்கு தான் வரமாட்டேன் என்று அதிரடியாக கூறியுள்ளார்.

இதனையடுத்து தி.மு.க இளைஞரணி செயலாளர் உதயநிதி ஸ்டாலின், பேனர் கலாச்சாரத்தை ஒழிக்கவேண்டும் என்று வலியுறுத்தியுள்ளார். இதுகுறித்து அவர் வெளியிட்டுள்ள அறிக்கையில் கூறியிருப்பதாவது :

“தனது மகளை இழந்த நிலையிலும் சுபஸ்ரீயின் தந்தை தன் நிதானத்தை இழக்காமல் தெரிவித்த கருத்துக்கள் நம் ஒவ்வொருவருக்குமான பாடம். சுபஸ்ரீ குடும்பத்தாரின் துக்கத்தில் பங்கு எடுப்பதோடு அவர் தந்தையின் வார்த்தைகளை உங்களுக்கு வழிமொழிகிறேன்.

‘இந்த பேனர் கலாச்சாரம் ஒழிய வேண்டும்’ -சுபஸ்ரீயின் தந்தை தெரிவித்த இந்தக் கருத்துக்களே நமக்கான பாடம். விதம்விதமாக பேனர் வைப்பது, சால்வை அணிவித்து பட்டங்கள் சொல்லி முழங்குவது, பட்டாசுகளை கொளுத்திப்போடுவது… இவை எதுவும் நமக்கிடையேயான அன்பை-பிணைப்பை அதிகரிக்கப்போவதில்லை.

நீங்கள், நான் என நாம் அனைவரும் மக்களின் வாக்குகளை விட அவர்களின் மனங்களை வெற்றி கொள்ளவே உழைக்கின்றோம். அவர்களைச் சென்றடைய சமூகப் பொறுப்புள்ள நம் செயல்களே ஒரே வழி. ஆனால் அந்த ஒரு நிமிட உணர்ச்சிப் பெருக்குக்காக எங்களை மகிழ்விப்பதாக நினைத்து உங்களை நீங்களே ஏமாற்றிக் கொள்கிறீர்கள் என்பதை நீங்கள் புரிந்துகொள்ளுங்கள்.

 “நம்மிடையேயான அன்பை பேனர்கள் ஒருபோதும் அதிகரிக்காது” : உதயநிதி ஸ்டாலின் உருக்கமான அறிவிப்பு!

நான்கு ஆண்டுகளுக்கு முன்பு இதே கருத்தை கூறிய நம் தலைவர் அவர்கள் இப்போது மீண்டும் அதை வலியுறுத்தி உள்ளதோடு கட் அவுட்டுகள் பிளக்ஸ் பேனர்கள் வைப்பவர்களின் நிகழ்ச்சிகளில் கலந்து கொள்ள மாட்டேன் என்று கூறியுள்ளார். அதை மனதில் கொண்டு ஆத்மார்த்தமான அன்பு, பொறுப்புள்ள சமூகப்பணி மட்டுமே நம்மைப் பிணைத்திருக்கும். மற்றபடி இதுபோன்ற வெட்டி படாடோடங்கள் உங்களிடமிருந்து என்னை விலக்குமே தவிர இணைக்காது என்பதையும் உணர்ந்து, ஆக்கப்பூர்வமாக செயல்படுமாறு வலியுறுத்திக் கேட்டுக்கொள்கிறேன்” என தனது அறிக்கையில் தெரிவித்துள்ளார்.

banner

Related Stories

Related Stories