Tamilnadu
அடுத்தடுத்து மோதிக்கொண்ட 7 கார்கள் : சினிமா சண்டைக் காட்சி போல் நிகழ்ந்த கோர விபத்தில் 6 பேர் பலி
தமிழகத்தில் நாள்தோறும் சாலை விபத்துகள் அதிகரித்த வண்ணம் உள்ளன. அது போல், திருச்சி - புதுக்கோட்டை தேசிய நெடுஞ்சாலையில் நேற்று மாலை நடைபெற்ற கார் விபத்தால் 6 பேர் பலியாகினர். 10க்கும் மேற்பட்டோர் உயிருக்கு போராடி வருகின்றனர்.
நேற்று மாலை 4 மணியளவில் திருச்சியை நோக்கி சென்றுக்கொண்டிருந்த கார் ஒன்று முன்புறம் இருந்த வலதுபக்க டயர் திடீரென வெடித்ததால் நிலைத்தடுமாறி சாலையின் மத்தியில் தாறுமாறாக ஓடியது.
அந்த சமயத்தில் திருச்சி மற்றும் புதுக்கோட்டையை நோக்கி சாலையின் இருபுறமும் வந்துகொண்டிருந்த 6 கார்கள் ஒன்றின் பின் ஒன்றாக மோதிக்கொண்டன. இதனையடுத்து விபத்தை சந்தித்த கார்கள் அனைத்தும் சாலையில் குறுக்கும் நெடுக்குமாக நின்றன.
சில கார்கள் தலைக்கீழாகவும் விழுந்து கிடந்தன. இதனால் காருக்குள்ளிருந்தவர்கள் தங்களை காப்பாற்றும்படி கூக்குரலிட்டனர். இந்த கோர விபத்தினால் 4 பேர் சம்பவ இடத்திலேயே உயிரிழந்ததாகக் கூறப்படுகிறது.
இதனையடுத்து தீயணைப்புத் துறைக்கும், ஆம்புலன்ஸுக்கும் தகவல் அளித்ததன் அடிப்படையில் மீட்புப் பணியில் இறங்கினர். படுகாயமடைந்தவர்களை மீட்டு சிகிச்சைக்காக மருத்துவமனைக்கு அனுப்பி வைத்தபோது 57 வயது கொண்ட பெண் ஒருவர் வழியிலேயே உயிரிழந்தார். இதனால் 5 பேர் விபத்து நடந்த நாளன்று உயிரிழந்தனர்.
இந்நிலையில், சிகிச்சைக்காக மருத்துவமனையில் அனுமதிக்கப்பட்டவர்களில் ஒருவர் இன்று காலை உயிரிழந்ததால் விபத்தினால் ஏற்பட்ட பலி எண்ணிக்கை ஆறாக உயர்ந்தது. இதனையடுத்து ஒரே சமயத்தில் 7 கார்கள் மோதி விபத்துக்குள்ளது குறித்து புதுக்கோட்டை மாவட்ட எஸ்.பி. தலைமையில் விசாரணை நடந்து வருகிறது. சினிமாவில் வருவது போன்று நடந்த இந்த கோர விபத்து அப்பகுதி மக்களை அதிர்ச்சியில் ஆழ்த்தியுள்ளது.
Also Read
-
மதத்தை வைத்து பிரச்சாரம் செய்யும் மோடி மீது தேர்தல் ஆணையம் நடவடிக்கை எடுக்கவில்லை - ஜி.ராமகிருஷ்ணன் !
-
திக்கெட்டும் புகழ் பரப்பும் திராவிட நாயகர் : நாடும் ஏடும் போற்றும் 4 ஆம் ஆண்டு தொடக்கம்!
-
நீட் தேர்வுக்கு தயாராகி வந்த மாணவர் தற்கொலை : ராஜஸ்தானில் தொடரும் அதிர்ச்சி சம்பவங்கள் !
-
”பா.ஜ.கவுக்கு 150 இடங்கள்கூட கிடைக்காது” : தேர்தல் பிரச்சாரத்தில் ராகுல் காந்தி திட்டவட்டம்!
-
”தமிழ்நாடு முழுவதும் தடையில்லா சீரான மும்முனை மின்சாரம்” : தலைமை செயலாளர் சிவ்தாஸ் மீனா தகவல்!