“முதலில் மின்வெட்டுப் பிரச்சினை, இப்போது மின்கட்டணத்தில் பிரச்சினை!”: கழகத் தலைவர் மு.க.ஸ்டாலின் கண்டனம்!

“தமிழ்நாட்டில் மின்வெட்டா?” என்ற காலத்தை மாற்றி, “தமிழ்நாடா.. மின்வெட்டு அதிகமாக இருக்குமே...” என்பதான மனநிலையை உண்டாக்கி இருக்கிறது விஜய் தலைமையிலான த.வெ.க அரசு.

மின்வெட்டால் சாலைகளுக்கு வந்து ஆர்ப்பாட்டத்தில் ஈடுபடும் நிலைக்கு பொதுமக்கள் தள்ளப்பட்டுள்ள நிலையில், அதிகப்படியான மின்சார கட்டண வசூலால் மக்களை திக்குமுக்காடவும் வைத்துள்ளது விஜய் அரசு.

இதனைக் கண்டித்து தி.மு.க தலைவர் மு.க.ஸ்டாலின் வெளியிட்டுள்ள சமூக வலைதளப் பதிவு பின்வருமாறு,

“த.வெ.க. ஆட்சி அமைந்ததில் இருந்தே மின்சாரத்தில் தடங்கல்தான்...

முதலில் மின்வெட்டுப் பிரச்சினை, இப்போது மின்கட்டணத்தில் பிரச்சினை.

3.70 லட்சம் குடும்பங்கள் கூடுதல் மின்கட்டணம் தொடர்பாகப் புகாரளித்திருப்பதை அரசே வேறு வழியின்றி ஒப்புக்கொள்ளும் நிலை ஏற்பட்டுள்ளது. சமூக ஊடகங்களில் பொதுமக்களின் குமுறலைப் பார்க்கும்போது, மொத்தம் பாதிப்படைந்தவர்கள் எண்ணிக்கை இன்னும் பலமடங்கு இருக்கக் கூடும் என்பது உறுதியாகிறது.

இந்தக் குளறுபடிகள் ஆய்வு செய்யப்பட்டுத் தீர்வு காணப்படும் வரை, மின்கட்டணம் செலுத்துவதற்கான கால அவகாசம் நீட்டிக்கப்பட வேண்டும்.

இனி வரும் காலங்களில், மின்சாரப் பயன்பாட்டைக் கணக்கெடுக்கும் reading சரியான முறையில் மேற்கொள்ளப்படுவதை அரசு உறுதி செய்திட வேண்டும்.