India
“ஒத்த ஜடை போட்டது ஒரு குத்தமா ?” - சிறுமிக்கு பள்ளி தலைமை ஆசிரியர் செய்த கொடூரம்.. உ.பி-யில் அதிர்ச்சி !
இரட்டை ஜடை போடாமல், ஒற்றை ஜடை பின்னி வந்த பள்ளி மாணவியை, வகுப்பறையில் பூட்டி அவரது தலைமுடியை தலைமை ஆசிரியரே வெட்டியுள்ள சம்பவம் உத்தரபிரதேசத்தில் அதிர்ச்சியை ஏற்படுத்தியுள்ளது.
உத்தர பிரதேச மாநிலம் ஃபரூகாபாத் என்ற பகுதியை அடுத்துள்ள நவாப்கஞ்ச் என்ற இடத்தில் பள்ளி ஒன்று செயல்பட்டு வருகிறது. பல்வேறு மாணவர்களும் படிக்கும் இந்த பள்ளியில் தலைமை ஆசிரியராக பணியாற்றி வருபவர் சுமித் யாதவ்.
இந்த நிலையில் சம்பவத்தன்று பள்ளிக்கு 9-ம் வகுப்பு மாணவி ஒருவர் ஒற்றை ஜடை போட்டு வந்துள்ளார். இதனை கண்டதும் கோபமடைந்த தலைமை ஆசிரியர், மாணவியை திட்டியுள்ளார். மேலும் கடுமையாக பேசி ஒரு அறைக்கு கூட்டி சென்றுள்ளார். அங்கே அவரை அடைத்து அவரது தலைமுடியை வெட்டியுள்ளார்.
இதையடுத்து மாணவி இது குறித்து காவல்துறையில் புகார் அளித்துள்ளார். மேலும் தலைமை ஆசிரியர் இது போன்று செய்வது இது முதல் முறையல்ல என்றும், முன்னதாக பல மாணவிகளுக்கு இது போன்று முடியை வெட்டியுள்ளதாகவும் குற்றம்சாட்டினார். அதுமட்டுமின்றி அனைத்து மாணவிகளையும் அழைத்து பள்ளியில் இரட்டை ஜடை போட்டு தான் வரவேண்டும் என்று தலைமை ஆசிரியர் உத்தரவிட்டதாகவும் கூறினார்.
அதோடு அவர் தகாத வார்த்தைகளால் திட்டியுள்ளதாகவும், தனது பள்ளியின் தலைமை ஆசிரியர் மீது நடவடிக்கை எடுக்கவில்லை என்றால் தான் தற்கொலை செய்து கொள்வதாகவும் மாணவி மிரட்டியுள்ளார். மாணவியின் இந்த புகாரையடுத்து காவல்துறை தலைமை ஆசிரியர் மீது காவல்துறையினர் இந்திய சட்டப்பிரிவுகள் 353 ஏ (உடல் தொடர்பு மற்றும் விரும்பத்தகாத மற்றும் வெளிப்படையான பாலியல் வெளிப்பாடுகளை உள்ளடக்கிய செயல்கள்) மற்றும் 342 (தவறான சிறைவைப்பு) மற்றும் போக்சோ சட்டத்தின்கீழ் வழக்குப்பதிவு செய்துள்ளனர்.
மாணவி புகார் அளித்த பின், காவல்துறையினர் அவரை தேடுவதை அறிந்த தலைமை ஆசிரியர் உடனே தலைமறைவாகியுள்ளார். இதையடுத்து தலைமை ஆசிரியரை காவல்துறையினர் தீவிரமாக தேடி வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.
Also Read
-
Rapido ஓட்டுநரை தாக்கிய ஆட்டோ ஓட்டுநர்கள்... வைரலான வீடியோ.. 3 பேர் மீது பாய்ந்த வழக்கு... - காரணம் என்ன?
-
நாகர்கோவில் ரயில் பெட்டிக்குள் பெண் வன்கொடுமை & கொலை.. DGP-க்கு கெடு விதித்த தேசிய மகளிர் ஆணையம் -விவரம்!
-
“ஆறே மாசம், எல்லாமே நாசம்! மூடநம்பிக்கைகளில் ஊறிப்போன இவர்கள்தான்...” - விஜயை வறுத்தெடுத்த மு.க.ஸ்டாலின்!
-
“கோமாளி ஆட்சியின் வெட்டி Ego-வால் துயரில் நிற்கும் விவசாயிகள்” : எதிர்க்கட்சி தலைவர் உதயநிதி கண்டனம்!
-
“த.வெ.க அமைச்சர்களின் செயலால் தமிழ்நாட்டிற்கு தலைகுனிவு” : கீதா ஜீவன் விமர்சனம்!