இறுதி கட்டத்தை எட்டும் மக்களவை தேர்தல் : 6 ஆம் கட்ட தேர்தல் எத்தனை தொகுதிகளில் நடைபெறுகிறது?

18 ஆவது மக்களவை தேர்தல் 7 கட்டமாக நடைபெறும் நிலையில் முதல் 5 கட்ட தேர்தல் நடந்து முடிந்துள்ளது. 5 ஆம் கட்ட தேர்தல் மே 20 ஆம் தேதி நடந்து முடிந்தது. இதையடுத்து தேர்தல் நடந்து முடிந்து மூன்று நாட்களுக்கு பிறகு வாக்கு சதவீதத்தை இன்று தேர்தல் ஆணையம் வெளியிட்டுள்ளது.

அதில், 5 ஆம் கட்ட தேர்தலில் 62.2% வாக்குகள் பதிவாகியுள்ளதாக தேர்தல் ஆணையம் அதிகாரப்பூர்வமாக இன்று அறிவித்துள்ளது. இன்றும் 2 கட்ட தேர்தல்கள் மட்டுமே உள்ளது.

இந்நிலையில் 6 ஆம் கட்ட மக்களவை தேர்தல் 58 தொகுதிகளில் மே 25 ஆம் தேதி நடைபெறுகிறது. இந்த தேர்தலுக்கான இறுதிகட்ட பிரச்சாரம் இன்று மாலை 6 மணிக்கு நிறைவடைந்தது.

6 ஆம் கட்ட தேர்தல் நடைபெறும் தொகுதிகள் :

பீகாரில் - 8,

அரியானாவில் - 10

ஜம்மு -காஷ்மீரில் -1

ஜார்கண்டில் - 4 ,

டெல்லியில் - 7,

ஒடிசாவில் - 6 ,

உத்தரபிரதேசத்தில் - 14

மேற்குவங்கத்தில் - 8

தொகுதிகள் என மொத்தம் 58 தொகுதிகளில் வாக்குப்பதிவு நடைபெற உள்ளது.

மேலும் ஒடிசாவில் மக்களவை தேர்தலுடன் மாநில சட்டமன்றத்துக்கும் தேர்தல் நடப்பதால், அங்கு 43 சட்டமன்ற தொகுதியில் நாளை மறுநாள் வாக்குப்பதிவு நடைபெறும். யூனியன் பிரதேசமான ஜம்மு-காஷ்மீரில் அனந்த்நாக் ரஜோரி தொகுதியில் 3ம் கட்டத்தில் வாக்குப்பதிவு நடைபெற இருந்தது.