தீபாவளி ரிலீஸ்.. எந்த படம் பார்க்கலாம்.. கோலிவுட் முதல் ஹாலிவுட் வரை.. முழு பட்டியல் இதோ !

இந்த ஆண்டு தீபாவளி பண்டிகையை முன்னிட்டு பல்வேறு மொழிகளில் வெளியாகும் பட்டியலை இங்கு பார்க்கலாம்..

>> ஜிகர்தண்டா DOUBLE X - (தமிழ்) :

கார்த்திக் சுப்பராஜ் இயக்கத்தில் உருவாகியுள்ள ‘ஜிகர்தண்டா DOUBLE X' படத்தில் ராகவா லாரன்ஸ், SJ சூர்யா உள்ளிட்ட பலரும் நடித்துள்ளனர். இந்த படம் நவம்பர் 10-ம் தேதி (நாளை) வெளியாகவுள்ளது.

>> ஜப்பான் - (தமிழ்) :

கார்த்தி, அணு இம்மானுவேல், சுனில், விஜய் மில்டன் உள்ளிட்ட பலரும் நடித்துள்ள இந்த படத்தை, ராஜு முருகன் இயக்கியுள்ளார். இந்த படம் நவம்பர் 10-ம் தேதி (நாளை) வெளியாகவுள்ளது.

>> ரெய்டு - (தமிழ்) :

ஸ்ரீ திவ்யா, விக்ரம் பிரபு உள்ளிட்ட பலரும் நடித்துள்ள இந்த படத்தை கார்த்தி இயக்கியுள்ளார். இந்த படம் நவம்பர் 10-ம் தேதி (நாளை) வெளியாகவுள்ளது.

>> கிடா - (தமிழ்) :

ரா.வெங்கட் இயக்கத்தில் உருவாகியுள்ள இந்த படத்தில் காளி வெங்கட், மறைந்த நடிகர் பூ ராமு உள்ளிட்ட பலரும் நடித்துள்ளனர். இந்த படம் வரும் நவம்பர் 11-ம் தேதி திரையரங்குகளில் வெளியாகவுள்ளது.

>> Bandra - (மலையாளம்) :

திலீப், தமன்னா உள்ளிட்ட பலரும் நடித்துள்ள இந்த படத்தை அருண் கோபி இயக்கியுள்ளார். இந்த படம் நவம்பர் 10-ம் தேதி (நாளை) வெளியாகவுள்ளது.

>> Garadi - (கன்னடம்) :

யோகராஜ் பட் இயக்கத்தில் உருவாகியுள்ள இந்த படத்தில் சொனல், யஷாஸ் சூர்யா, தேஜஸ்வினி உள்ளிட்ட பலரும் நடித்துள்ள இந்த படம் நவம்பர் 10-ம் தேதி (நாளை) வெளியாகவுள்ளது.

>> டைகர் 3 - (இந்தி - பான் இந்தியா)

இயக்குநர் மனீஷ் சர்மா இயக்கத்தில் சல்மான் கான், கேத்ரினா கைஃப் நடித்துள்ள இந்தி படம்தான் ‘டைகர் 3’. இந்தி, தமிழ், தெலுங்கு மொழிகளில் வெளியாகவுள்ள இந்த படத்தின் 2 பாகங்கள் வெற்றி பெற்ற நிலையில், இந்த படம் தீபாவளியன்று 12-ம் தேதி திரையரங்குகளில் வெளியாகவுள்ளது.

>> The Marvels - (ஆங்கிலம் - பான் இந்தியா)

மார்வல் சினிமாடிக் யுனிவர்ஸின் படமான 'The Marvels' திரைப்படம், 2019-ம் ஆண்டு வெளியான ‘கேப்டன் மார்வெல்’, 2021-ம் ஆண்டு வெளியான ‘Ms Marvel’ சீரிஸ் ஆகியவற்றின் தொடர்ச்சியான கதையாக உருவாக்கப்பட்டுள்ளது. இதனை நியா டகோஸ்டா என்ற பெண் இயக்குநர் இயக்கியுள்ளார். இதில் சியோ-ஜுன் பார்க், ஜாவே அஸ்டன், ப்ரி லார்சன், டியோனா பாரிஸ், இமான் வெல்லானி உள்ளிட்ட பலரும் நடித்துள்ளனர்.

தமிழ், தெலுங்கு, இந்தி, ஆங்கில மொழிகளில் உருவாகியுள்ள இந்த படம் நவம்பர் 10-ம் தேதி (நாளை) வெளியாகவுள்ளது.