மாவீரன் முதல் Mission Impossible 7 வரை.. இந்த வாரம் தியேட்டரில் வெளியாகும் படங்கள் என்னென்ன ?

இந்த வாரம் கோலிவுட் முதல் ஹாலிவுட் வரையான படங்களின் பட்டியல் வெளியாகியுள்ளது.

ஜூலை 12 :

Mission Impossible: Dead Reckoning - Part One

கிறிஸ்டோபர் மெக்குவாரி (Christopher McQuarrie) இயக்கத்தில் ஹாலிவுட் ஸ்டார் டாம் க்ரூஸ் நடிப்பில் உருவான படம் தான் Mission Impossible: Dead Reckoning - Part One. மிஷன் இம்பாசிபிள் (Mission: Impossible) பட வரிசையில் ஏழாவது படமான இந்த படம் இன்று உலகம் முழுவதும் பல்வேறு மொழிகளில் வெளியாகியுள்ளது.

ஜூலை 14 :

>> மாவீரன் (Maaveeran) : தமிழ்

‘மண்டேலா’ படத்தை இயக்கிய மடோன் அஸ்வின் இயக்கத்தில் சிவகார்த்திகேயன், அதிதி சங்கர், சரிதா, மிஷ்கின் உள்ளிட்ட பலர் நடிப்பில் உருவாகியுள்ள படம் தான் ‘மாவீரன்’. தமிழ், தெலுங்கு ஆகிய 2 மொழிகளில் உருவாகியிருக்கும் இந்த படம் வரும் ஜுலை 14-ம் தேதி வெளியாகிறது.

>> பாபா ப்ளாக் ஷீப் (Baba Black Sheep) : தமிழ்

ராஜ்மோகன் ஆறுமுகம் இயக்கத்தில் அம்மு அபிராமி, அப்துல் அயாஸ், நரேந்திர பிரசாத், ஆர்.ஜே.விக்னேஷ்காந்த் உள்ளிட்ட பலரும் நடித்துள்ள இந்த படம் வரும் ஜூலை 14-ம் தேதி வெளியாகிறது.

>> பத்மினி (Padmini) : மலையாளம்

சென்னா ஹெக்டே இயக்கத்தில் குஞ்சாக்கோ போபன் (Kunchacko Boban), அபர்ணா பாலமுரளி, மடோனா செபஸ்டியன் உள்ளிட்ட பலரும் நடித்துள்ள இந்த படம் வரும் ஜூலை 14-ம் தேதி வெளியாகிறது.

>> பேபி (Baby) : தெலுங்கு

சாய் ராஜேஷ் நீளம் இயக்கத்தில் ஆனந்த் தேவர்கொண்டா, விராஜ் அஷ்வின், மெளனிகா ரெட்டி நடிப்பில் உருவாகியுள்ள இந்த படம் வரும் ஜூலை 14-ம் தேதி வெளியாகிறது.