தமிழ்நாடு

ஆக.,3 வரை தமிழ்நாட்டில் இடி மின்னலுடன் மிதமான மழை தொடரும்; சென்னை வானிலை நிலவரம் தெரியுமா?

ஆக.,3 வரை தமிழ்நாட்டில் இடி மின்னலுடன் மிதமான மழை தொடரும்; சென்னை வானிலை நிலவரம் தெரியுமா?
  • Twitter
  • Facebook
  • WhatsApp
Updated on

தென்மேற்கு பருவக்காற்று மற்றும் வெப்பச்சலனம் காரணமாக தமிழ்நாட்டில் 01.08.2021,02.08.2021: நீலகிரி, கோயமுத்தூர், திருவள்ளூர், ராணிப்பேட்டை, வேலூர் மாவட்டங்கள், வட தமிழக கடலோர மாவட்டங்கள் மற்றும் புதுவை, காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும். ஏனைய மாவட்டங்களில் பெரும்பாலும் வறண்ட வானிலை நிலவக்கூடும்.

03.08.2021 முதல் 05.08.2021: மேற்கு தொடர்ச்சி மலையை ஒட்டிய (நீலகிரி, கோயமுத்தூர் தேனி, திண்டுக்கல், தென்காசி) மாவட்டங்களில் ஓரிரு இடங்களில் லேசானது முதல் மிதமான மழையும், கடலோர மாவட்டங்கள் மற்றும் புதுவை, காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். ஏனைய மாவட்டங்களில் பெரும்பாலும் வறண்ட வானிலை நிலவக்கூடும்.

சென்னையை பொறுத்தவரை அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும், நகரின் ஒருசில பகுதிகளில் இலேசான மழை பெய்யக்கூடும். அதிகபட்ச வெப்பநிலை 35 மற்றும் குறைந்தபட்ச வெப்பநிலை 26 டிகிரி செல்சியஸை ஒட்டி இருக்கும்.

அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும், அதிகபட்ச வெப்பநிலை 36 மற்றும் குறைந்தபட்ச வெப்பநிலை 27 டிகிரி செல்சியஸை ஒட்டி இருக்கும்.

கடந்த 24 மணி நேரத்தில் அதிகபட்ச மழை அளவு (சென்டிமீட்டரில்):

வாலாஜா (ராணிப்பேட்டை) 5, மகாபலிபுரம் (செங்கல்பட்டு) 4, திருக்கழுக்குன்றம் (செங்கல்பட்டு), திருவாலங்காடு (திருவள்ளூர்) தலா 3, காவேரிப்பாக்கம் (ராணிப்பேட்டை), DGP ஆபீஸ் (சென்னை), சோழவரம் (திருவள்ளூர்), செம்பரம்பாக்கம் (திருவள்ளூர்), அண்ணா பல்கலைக்கழகம் (சென்னை), எண்ணூர் (திருவள்ளூர்), கேளம்பாக்கம் (செங்கல்பட்டு) தலா 2, அம்பத்தூர் (திருவள்ளூர்), திருத்தணி (திருவள்ளூர்), ஸ்ரீபெரும்புதூர் (காஞ்சிபுரம்), பெரம்பூர் (சென்னை) செங்கல்பட்டு தலா 1.

மீனவர்களுக்கான எச்சரிக்கை :

அரபிக்கடல் பகுதிகள்:

01.08.2021 முதல் 05.08.2021வரை: தென் மேற்கு, வடக்கு மற்றும் மத்திய மேற்கு அரபிக்கடல் பகுதிகளில் பலத்த காற்று மணிக்கு 50 முதல் 60 கிலோமீட்டர் வேகத்திலும் இடைஇடையே 70 கிலோமீட்டர் வேகத்திலும் வீசக்கூடும். மீனவர்கள் இப்பகுதிகளுக்கு செல்ல வேண்டாமென அறிவுறுத்தப்படுகிறார்கள்.

banner

Related Stories

Related Stories