தமிழ்நாடு

5 மாதங்களுக்குப் பிறகு மீண்டும் 2,000 : உக்கிரமடையும் கொரோனா தொற்று... என்னதான் நடக்கிறது தமிழகத்தில்?

5 மாதங்களுக்குப் பிறகு மீண்டும் 2,000-ஐ கடந்தது கொரோனா தினசரி தொற்று எண்ணிக்கை.

5 மாதங்களுக்குப் பிறகு மீண்டும் 2,000 : உக்கிரமடையும் கொரோனா தொற்று... என்னதான் நடக்கிறது தமிழகத்தில்?
  • Twitter
  • Facebook
  • WhatsApp
Vignesh Selvaraj
Updated on

தமிழகத்தில் அ.தி.மு.க அரசின் மெத்தனத்தால் மீண்டும் கொரோனா பாதிப்பு வெகுவாக அதிகரித்து வருகிறது. கடந்த 5 மாதங்களுக்குப் பிறகு தற்போது மீண்டும் கொரோனா பாதிப்பு 2 ஆயிரத்தைக் கடந்துள்ளது.

தமிழக சுகாதாரத்துறை இன்று வெளியிட்டுள்ள அறிக்கையின்படி, தமிழகத்தில் இன்று 2,089 பேருக்கு கொரோனா உறுதியாகியுள்ளது. இதனால் பாதிக்கப்பட்டவர்களின் எண்ணிக்கை 8,77,279 ஆக அதிகரித்துள்ளது.

தமிழகத்தில் இன்று 84,759 பேருக்கு கொரோனா தொற்று பரிசோதனை மேற்கொள்ளப்பட்டுள்ளது. இதுவரை 1,89,40,627 பேருக்கு பரிசோதனை மேற்கொள்ளப்பட்டுள்ளது.

அதிகபட்சமாக இன்று சென்னையில் 775 பேருக்கு கொரோனா பாதிப்பு கண்டறியப்பட்டுள்ளது. சென்னையில் இதுவரை கொரோனாவால் பாதிக்கப்பட்டவர்களின் எண்ணிக்கை 2,44,686 ஆக அதிகரித்துள்ளது.

சென்னைக்கு அடுத்தபடியாக செங்கல்பட்டு மாவட்டத்தில் 186 பேருக்கும், கோவை மாவட்டத்தில் 185 பேருக்கும், திருவள்ளூரில் 110 பேருக்கும் இன்று கொரோனா தொற்று உறுதியாகியுள்ளது.

பிரிட்டனில் இருந்து தமிழ்நாட்டுக்கு வந்தவர்களில் 37 பேருக்கும் அவர்களின் மூலமாக 20 பேருக்கும் கொரோனா தொற்று உறுதிசெய்யப்பட்டுள்ளது. இவர்கள் அனைவரும் தனிமைப் படுத்தப்பட்டுள்ளனர்.

தமிழகத்தில் கொரோனாவால் பாதிக்கப்பட்டவர்களில் இன்று 1,241 பேர் டிஸ்சார்ஜ் செய்யப்பட்டனர். இதனால், இதுவரை வீடு திரும்பியவர்களின் எண்ணிக்கை 8,52,463 ஆக உள்ளது. தற்போதைய நிலையில் 12,157 பேர் சிகிச்சை பெற்று வருகின்றனர்.

தமிழகத்தில் இன்று மட்டும் கொரோனா பாதித்த 9 பேர் உயிரிழந்துள்ளனர். அதில், 4 பேர் தனியார் மருத்துவமனைகளிலும், 5 பேர் அரசு மருத்துவமனைகளிலும் உயிரிழந்தனர். இதனால், தமிழகத்தில் கொரோனா உயிரிழப்பு 12,659 ஆக அதிகரித்துள்ளது.

banner

Related Stories

Related Stories