விளையாட்டு

CSK அணிக்காக தோனி விளையாட அனுமதிக்க முடியாது.. BCCI-ஐயின் பதிலால் ரசிகர்கள் அதிர்ச்சி !

சென்னை அணி வாங்கிய ஜோகனஸ்பர்க் அணியின் பயிற்சியாளர் அல்லது ஆலோசகராக சென்னை அணியின் கேப்டன் தோனியை நியமிக்க அனுமதிக்கமுடியாது என பிசிசிஐ தரப்பில் கூறப்பட்டுள்ளது.

CSK அணிக்காக தோனி விளையாட அனுமதிக்க முடியாது.. BCCI-ஐயின் பதிலால் ரசிகர்கள் அதிர்ச்சி !
  • Twitter
  • Facebook
  • WhatsApp
Praveen
Updated on

உலக அளவில் பிரபலமான கிரிக்கெட் தொடர் என்றால் அது இந்தியாவில் நடக்கும் ஐ.பி.எல் தொடர்தான். ஐ.பி.எல் தொடர் ஆரம்பிக்கும் வரை சாதாரண கிரிக்கெட் அமைப்பாக இருந்த பி.சி.சிஐ இதன்பின்னர் பெரும் வலிமை வாய்ந்த பணக்கார கிரிக்கெட் அமைப்பாக மாறியது.

ஆரம்பத்தில் லாபம் கிடைக்குமா? என தயங்கி ஐ.பி.எல்.லில் முதலீடு செய்த அணி உரிமையாளர்கள் இப்போது போட்டதை விட பல மடங்கு லாபம் பார்த்துள்ளனர். அதோடு இதில் முதலீடு செய்யும் ஸ்பான்சர்களும் வணிக ரீதியாக லாபம் அடைந்து வருகின்றனர்.

CSK அணிக்காக தோனி விளையாட அனுமதிக்க முடியாது.. BCCI-ஐயின் பதிலால் ரசிகர்கள் அதிர்ச்சி !

ஐ.பி.எல் தொடரின் வெற்றியைத் தொடர்ந்து, ஆஸ்திரேலியா, பாகிஸ்தான், இலங்கை,வங்கதேசம் போன்ற பல்வேறு நாடுகளில் ஐ.பி.எல் பாணியில் கிரிக்கெட் தொடர்கள் ஆரம்பிக்கப்பட்டுள்ளன. அங்கும் அவை வணிக ரீதியாக வெற்றியை பெற்றுவருகின்றன.

அதைத் தொடர்ந்து தென் ஆப்பிரிக்க கிரிக்கெட் நிர்வாகமும், ஐ.பி.எல் பாணியிலான தொடரை ஆரம்பித்துள்ளது. 6 அணிகள் கொண்ட இந்த தொடரில் ஜோகனஸ்பர்க் அணியை சென்னை சூப்பர் கிங்ஸ் அணியும், கேப்டவுன் அணியை மும்பை இந்தியன்ஸ் அணியும், டர்பன் அணியை லக்னோ சூப்பர் ஜெயிண்ட்ஸ் அணியும், போர்ட் எலிசபத் அணியை சன் ரைஸர்ஸ் ஹைதிராபாத் அணியும், பிரிட்டோரியா அணியை டெல்லி கேபிடல்ஸ் அணியும், பார்ல் அணியை ராஜஸ்தான் ராயல்ஸ் அணியும் வாங்கியுள்ளது.

CSK அணிக்காக தோனி விளையாட அனுமதிக்க முடியாது.. BCCI-ஐயின் பதிலால் ரசிகர்கள் அதிர்ச்சி !

இதில், சென்னை அணி வாங்கிய ஜோகனஸ்பர்க் அணியின் பயிற்சியாளர் அல்லது ஆலோசகராக சென்னை அணியின் கேப்டன் தோனியை நியமிக்க அந்த அணி முடிவு செய்ததாக தகவல் வெளியானது. ஆனால் தற்போது அதற்கு வாய்ப்பில்லை என பிசிசிஐ தரப்பில் தகவல் தெரிவிக்கப்பட்டதாக தகவல் வெளியாகியுள்ளது.

இது தொடர்பாக பேசிய பிசிசிஐ அதிகாரி ஒருவர், "எந்த இந்திய வீரரும் அனைத்து வகையான விளையாட்டுகளிலிருந்தும் ஓய்வு பெறும் வரை வேறு எந்த லீக்கிலும் பங்கேற்க முடியாது. அப்படி பங்கேற்க வேண்டும் என்றால் அவர் பிசிசிஐ சம்மந்தப்பட்ட எந்த ஒரு போட்டியிலும் பங்கேற்க முடியாது" என்று கூறியுள்ளார்.

banner

Related Stories

Related Stories