தூத்துக்குடியில் மீனவர் உயிரி*ப்பு... த.வெ.க.வின் அலட்சியத்தால் நடந்த அவலம்!: கனிமொழி எம்.பி கண்டனம்!

தூத்துக்குடி மாவட்டத்தில் கடலில் தவறி விழுந்து உயிரிழந்த மீனவர் தம்பிராஜ் அவர்களின் இல்லத்திற்கு நேரில் சென்று, அவரது குடும்பத்தினருக்கு தி.மு.க துணைப் பொதுச்செயலாளர் கனிமொழி எம்.பி ஆறுதல் தெரிவித்தார்.

இது குறித்து தனது சமூக வலைதளப் பக்கத்தில் அவர் வெளியிட்ட செய்திக்குறிப்பு பின்வருமாறு,

“இரவு 8 மணியளவில் தம்பிராஜ் கடலில் தவறி விழுந்தபோதே மீன்வளத்துறைக்குத் தகவல் தெரிவித்ததாகவும், ஆனால் உரிய நடவடிக்கை எதுவும் எடுக்கப்படாததால், சக மீனவர்களே மறுநாள் அவரது உடலை மீட்டதாகவும் தெரிவிக்கின்றனர்.

உயிருக்குப் போராடிய மீனவரை மீட்க உடனடியாக நடவடிக்கை எடுக்காத மீன்வளத்துறையின் அலட்சியம் கண்டிக்கத்தக்கது. மீனவர்கள் கடலில் காணாமல் போவதும், பின்னர் சடலமாக மீட்கப்படுவதும் தொடர்கதையாகி வருவது மிகுந்த வேதனையளிக்கிறது.

உயிரிழந்த மீனவர் தம்பிராஜ் அவர்களின் குடும்பத்திற்கு உரிய நிவாரணத் தொகையை அரசு உடனடியாக வழங்குவதுடன், இதுபோன்ற சம்பவங்களில் மீனவர்களை விரைந்து மீட்பதற்கான நடவடிக்கைகளையும் உறுதிசெய்ய வேண்டும்.