உலகம்
"உங்கள் மகன் பிழைக்க மாட்டான்.." - மருத்துவர்கள் கூறியதை பொய்யாக்கிய இரண்டு தலை கொண்ட அரிய சிறுவன்..
அமெரிக்கா, மிசோரி பகுதியை சேர்ந்தவர் ட்ரெஸ் ஜான்சன். Craniofacial Duplication என்று அறியப்படும் அரிய வகை நோயால் பாதிக்கப்பட்ட இவர், இரண்டு தலைகளோடு பிறந்துள்ளார். இந்த அரிய வகை நோய் உலகில் 36 பேரை தாக்கியுள்ளதாக கூறப்படுகிறது.
மேலும் இந்த நோய் இருப்பவர்கள் நீண்ட நாட்கள் உயிர்வாழ முடியாது என்று அறிவியல் அறிஞர்கள் பலரும் கூறுகின்றனர். இந்த நிலையில், ட்ரெஸ் என்ற சிறுவன், தற்போது தனது 18-வது பிறந்தநாளை கொண்டாடியுள்ளார்.
இவரை மருத்துவமனையில் பரிசோதித்தபோது மருத்துவர்கள், 'இந்த சிறுவனால் நீண்ட காலம் வாழமுடியாது' என்று கூறி வந்தனர். ஒவ்வொரு முறையும் மருத்துவர்கள் கூறி வந்த நிலையில், அவரது தாயின் அரவணைப்பிலும், பாசத்தாலும் நாளுக்கு நாள் இவரது ஆயுட்காலம் கூடிக்கொண்டே போகிறது.
இரண்டு தலை மட்டுமில்லை, இரண்டு முகங்கள், தனித்துவமான நாசிகள் உள்ளிட்டவையோடு பிறந்த இந்த குழந்தையை அவரது தாய் பிராண்டி முதன் முதலில் ஒரு பெட்டியில் தான் பார்த்ததாக வேதனையுடன் கூறினார். மேலும் இந்த சிறுவனுக்கு அடிக்கடி வலிப்பு நோயும் ஏற்படும். இருப்பினும் அவரது தாய் இந்த சிறுவனை பாரமாக கருதாமல் கவனத்துடன் பார்த்து வருகிறார்.
நீண்ட நாட்கள் வாழ இயலாது என்று ஒவ்வொரு முறையும் கூறி வந்த மருத்துவர்களின் வாக்கை பொய்யக்கி, தாயின் உறுதுணையோடு தனது 18-வது பிறந்தநாளை கொண்டாடி வரும் ட்ரெஸுக்கு சமூக வலைதளங்கள் மூலம் பலரும் பிறந்தநாள் வாழ்த்துக்கள் தெரிவித்து வருகின்றனர்.
Also Read
-
3 ஆண்டுகளாக பாலியல் தொல்லை : முன்ஜாமீன் கோரிய முன்னாள் அமைச்சர் ரேவண்ணா - கர்நாடக அரசியலில் அதிர்ச்சி !
-
மேற்கு வங்க ஆளுநர் மீது பாலியல் புகார் - மோடி கொல்கத்தா நேரத்தில் செல்லும் வெளிவந்த அதிர்ச்சி !
-
மீண்டும் மீண்டும் அவமானப்படும் மோடி! : பொய்களின் மேல் பொய்கள்!
-
"ரிங்கு சிங்கை அணியில் சேர்க்காதது மிகவும் கடினமான முடிவு" - தேர்வுக்குழு தலைவர் அகர்கர் கூறியது என்ன ?
-
தனியார்மயமாக்கலால் குறையும் அரசுப் பணிகள்! : மறைமுகமாக அழிக்கப்படும் இடஒதுக்கீடு!