தமிழ்நாட்டில் 1 லட்சம் பேருக்கு 194 டாக்­டர்­கள் : இந்திய சராசரியை விட இரு மடங்கு அதிகம் பெற்று சாதனை!

இந்தியாவில் சராசரியாக ஒரு லட்சம் மக்களுக்கு 99 டாக்டர்களும், தமிழ்நாட்டில் 194 டாக்டர்களும் இருக்கிறார்கள் என்ற புள்ளி விவரங்கள் கிடைத்திருக்கின்றன. நாட்டின் சுகாதார கட்டமைப்பில் டாக்டர்களின் பங்கு மிகமுக்கியமானது.

அவர்கள் மக்களின் ஆரோக்கியத்தை பாதுகாப்பதற்கும், பெருகி வரும் நோய்களைத் தடுப்பதற்கும், அதற்கான சிகிச்சை களை மேற்கொள்வதற்கும் மற்றும் சமூகத்தின் ஒட்டுமொத்த நலவாழ்வை மேம்படுத்துவதற்கும் முதுகெலும்பாக இருக்கின்றனர்.

அதிலும் குறிப்பாக தொற்று நோய்களை கட்டுப்படுத்துதல், தொற்று கண்காணிப்பு மற்றும் அதற்கான சுகாதார கொள்கைகளை வகுப்பதில் டாக்டர்கள் அரசு மற்றும் அரசு சாரா நிறுவனங்களுடன் இணைந்து தொடர்ந்து பணியாற்றி வருகின்றனர்.

அந்தவகையில் கடந்த 2020-ம் ஆண்டு ஒட்டுமொத்த உலகத்தையும் உலுக்கி எடுத்த கொரோனா தொற்று காலத்தில் டாக்டர்கள் உள்ளிட்ட சுகாதார கட்டமைப்பில் அங்கம் வகித்தவர்கள் பலரையும் அனைத்து மக்களும் கடவுளாகவே பார்த்தனர்.

சுகாதார கட்டமைப்பின் மையப் புள்ளி!

சுகாதார கட்டமைப்பின் மையப்புள்ளியாக பார்க்கப்படும் டாக்டர்கள், இந்தியாவில் அரசு மற்றும் தனியார்துறைகளில் தங்கள் பங்களிப்பு மூலம் மக்களுக்கு தரமான மருத்துவ தேவையை உறுதி செய்து வருகிறார்கள். இருந்தபோதிலும், அதிகரித்து வரும் மக்கள் தொகை காரணத்தினால், போதிய டாக்டர்கள் எண்ணிக்கை இல்லாதது ஒரு கவலையளிக்கும் செய்தியாகவே உள்ளது.

மாநிலங்களில் டாக்டர்களின் எண்ணிக்கை!

அதன்படி, கடந்த ஆண்டு (2024) அக்டோபர் மாதம் வரையிலான ஆதார் அடிப்படையிலான மக்கள் தொகை புள்ளி விவரங்களின் அடிப்படையில், இந்தியாவில் சராசரியாக ஒரு லட்சம் மக்களுக்கு பதிவு செய்யப்பட்ட 99 டாக்டர்கள் இருப்பதாக தெரியவந்துள்ளன. இந்தியாவில் ஒவ்வொரு மாநிலங்களிலும் இருக்கும் மக்கள் தொகை அடிப்படையில், ஒரு லட்சம் மக்களுக்கு எவ்வளவு டாக்டர்கள் இருக்கிறார்கள் என்ற விவரங்களும் வெளியாகியுள்ளது.

அந்த வகை­யில் தமிழ்­நாட்­டில் ஒரு­லட்­சம் மக்­க­ளுக்கு 194 டாக்­டர்­கள் இருப்­ப­தாக தெரி­விக்­கப்­பட்­டுள்­ளது. இந்த மாநி­லங்­க­ளின் பட்­டி­ய­லில் ஒரு லட்­சம் மக்­க­ளுக்கு கோவா­வில் 298 டாக்­டர்­க­ளும், கர்­நா­ட­கா­வில் 207 டாக்­டர்­க­ளும், கேர­ளா­வில் 203 டாக்­டர்­க­ளும், ஆந்­தி­ரா­வில் 198 டாக்­டர்­க­ளும், பஞ்­சாப்­பில் 173 டாக்­டர்­க­ளும், மராட்­டி­யத்­தில் 164 டாக்­டர்­க­ளும், டெல்­லி­யில் 148 டாக்­டர்­க­ளும், ஜம்மு காஷ்­மீ­ரில் 137 டாக்­டர்­க­ளும், குஜ­ராத்­தில் 109 டாக்­டர்­க­ளும், அரு­ணா­சல பிர­தே­சத்­தில் 105 டாக்­டர்­க­ளும் இருக்­கின்­ற­னர். மற்ற மாநி­லங்­க­ளில் ஒரு லட்­சம் மக்­க­ளுக்கு இரட்டை இலக்­கத்­தில் டாக்­டர்­க­ளின் எண்­ணிக்கை இருக்­கி­றது.