Tamilnadu
Fail ஆனதால் பெற்றோருக்கு பயந்து புத்தகத்தை விற்று ரயிலேறிய சிறுவர்கள் : போலீசாரின் செயலுக்கு பாராட்டு !
சென்னை சென்ட்ரல் ரயில் நிலையத்தின் வாயிலில் 12 வயது உடைய இரண்டு சிறுவர்கள் நின்று கொண்டிருந்தனர். அப்போது அருகில் பாதுகாப்பு பணியில் இருந்த காவலர்கள் அருகில் சென்று யார் நீங்கள் என்று சிறுவர்களிடம் விசாரணை மேற்கொண்டு உள்ளனர்.
அப்போது அந்த மாணவர்கள் எதுவும் கூறாமல் பயந்த நிலையிலே அமையாக நின்றுள்ளனர். பின்னர் இரண்டு பேரையும் பூக்கடை காவல் நிலையம் அழைத்துச் வந்து விசாரித்தனர். பூக்கடை காவல் நிலையத்தில் மாணவர்களுக்கு உணவுகளை வாங்கி கொடுத்த பின் விசாரணை மேற்கொண்டதில் சிறுவர்கள் கோயம்புத்தூர் வேலவன் நகர் மற்றும் மாணிக்கவாசகம் நகர் பகுதியை சேர்ந்தவர்கள் என்பது தெரியவந்தது.
மேலும், கணக்கு பாடத்தில் தோல்வியடைந்ததால் பெற்றோர்கள் கண்டிப்பார்கள் அடித்து விடுவார்கள் என்று பயந்ததாக சிறுவர்கள் கூறியுள்ளனர். அதோடு புத்தகங்களை பழைய கடையில் போட்டு அதன் மூலம் கிடைத்த பணத்தை எடுத்துக்கொண்டு நேற்று இரவு கோவையில் சென்னைக்கு வரக்கூடிய ரயில் மூலம் ஏறி காலை சென்னை வந்து இறங்கியதாகவும் தெரிவித்துள்ளனர். இந்த தகவல் போலீஸாருக்கு அதிர்ச்சியை ஏற்படுத்தியது.
இதனைத் தொடர்ந்து கோயம்புத்தூர் காவல் துறை அதிகாரிகளிடம் விசாரணை செய்தபோது ஏற்கனவே மாணவர்கள் காணாமல் போனது குறித்து புகார் அளிக்க பெற்றோர்கள் வந்துள்ளதாக கூறியுள்ளனர். அதனைத் அடுத்து பெற்றோர்களுக்கு தகவல் அளிக்கப்பட்டுள்ளது.
அதனைத் தொடர்ந்து கோயம்புத்தூரில் இருந்து சென்னை வந்த பெற்றோர்களிடம் மாணவர்களை பத்திரமாக பூக்கடை போலீசார் ஒப்படைத்தனர்.போலீசாரின் இந்த செயலுக்கு பலரும் பாராட்டுகளை தெரிவித்து வருகின்றனர்.
Also Read
-
இதுபோன்ற பிரதமர் நமக்கு வேண்டாம்... சிந்தித்து வாக்களியுங்கள் - பட்டியலிட்டு மோடியை விமர்சித்த துருவ் ரதீ
-
சட்டையை மாற்றி பாஜகவுக்கு 8 முறை கள்ள ஓட்டு... “தேர்தல் ஆணையம் விழித்துக்கொள்ளுமா?” - குவியும் கண்டனம்!
-
“பாஜகவிடம் இருந்து அனைத்தையும் காப்பாற்றுவதற்கான தேர்தல் இது” - தேஜஸ்வி தாக்கு !
-
பாஜகவுக்கு 8 முறை கள்ள ஓட்டு... பாஜக ஆளும் உ.பி-யில் இளைஞர் செய்த செயலால் அதிர்ச்சி... வீடியோ வைரல் !
-
இஸ்லாமியர்கள் குறித்து அவதூறு.. பாஜக ஆதரவாளரை கைது செய்த கர்நாடக போலிஸ்... கொந்தளிக்கும் பாஜக தலைவர்கள்!