Sports
மீண்டும் சொதப்பிய பேட்டிங் ஆர்டர்.. 7 ஆண்டுகளில் இல்லாத மோசமான சாதனையை படைத்த இந்திய அணி !
டெஸ்ட் சாம்பியன்ஷிப் இறுதிப்போட்டியில் ஏற்பட்ட தோல்வியைத் தொடர்ந்து இந்திய அணி மேற்கிந்திய தீவுகள் அணிக்கு எதிராக டெஸ்ட், ஒருநாள். டி20 தொடரில் பங்கேற்க அந்த நாட்டுக்கு சென்றுள்ளது. இதன் டெஸ்ட் தொடரை இந்திய அணி 1-0 என்ற கணக்கில் வென்றது.
அதனை தொடர்ந்து தற்போது 3 போட்டிகள் கொண்ட ஒருநாள் தொடரை 2-1 என்ற கணக்கில் இந்திய அணி கைப்பற்றியது. பின்னர்ட் தற்போது 5 போட்டிகள் கொண்ட டி20 தொடர் நடைபெற்று வருகிறது. இதில் முதல் டி20 போட்டியில் மேற்கிந்திய தீவுகள் அணி 4 ரன்கள் வித்தியாசத்தில் இந்திய அணியை வீழ்த்தி வெற்றி பெற்றது.
அதனைத் தொடர்ந்து நேற்று இரண்டாவது டி20 போட்டி நடைபெற்றது. இதில் டாஸ் வென்ற இந்திய அணி பேட்டிங்கை தேர்வு செய்தது. ஆனால், தொடக்கத்தில் இருந்தே இந்திய அணி அடுத்தடுத்த விக்கெட்டுகளை இழந்து வந்தது. சுப்மன் கில் 7 ரன்களுக்கும், இஷான் கிஷன் 27 ரன்களுக்கும், சூர்யகுமார் யாதவ் 1 ரன்னுக்கும், சஞ்சு சாம்சன் 7 ரன்னுக்கும் ஆட்டம் இழந்தனர்.
எனினும் திலக் வர்மா 41 பந்துகளில் 51 ரன்கள் குவிக்க ஒருவழியாக இந்திய அணி 20 ஓவர்கள் முடிவில் 7 விக்கெட் இழப்புக்கு 152 ரன்கள் குவித்தது. பின்னர் ஆடிய மேற்கிந்திய தீவுகள் அணி முதல் ஓவரில் 2 விக்கெட்டுகளை இழந்தாலும், பின்னர் பூரான், ஹெட்மையர் ஆகியோரின் ஆட்டம் காரணமாக வெற்றியை நோக்கி நெருங்கியது.
ஆனால், சாஹலின் ஒரே ஓவரில் 3 விக்கெட்டுகள் விழுந்த நிலையில், மேற்கிந்திய தீவுகள் அணி 8 விக்கெட்டுகளை இழந்தது. இதனால் இந்திய அணி வெற்றிபெறும் என எதிர்பார்க்கப்பட்ட நிலையில், இறுதிக்கட்டத்தில், அகீல், அல்சரி ஜோசப் அபாரமாக ஆடி அந்த அணிக்கு வெற்றித்தேடி தந்தனர். இதனால் இந்த போட்டியில் மேற்கிந்திய தீவுகள் அணி இந்திய அணியை 2 விக்கெட் வித்தியாசத்தில் வீழ்த்தி வெற்றிபெற்று தொடரில் 2-0 என்ற கணக்கில் முன்னிலையில் உள்ளது.
கடந்த 7 ஆண்டுகளில் இந்திய அணி தொடர்ந்து 2 டி 20 போட்டிகளை தோற்றதேயில்லை என்ற நிலை இருந்த நிலையில், இந்த தோல்வியின் மூலம் இந்திய அணி கடந்த 7 ஆண்டுகளில் சந்திக்காத மோசமான தோல்வியை இந்திய அணி சந்தித்துள்ளது.
Also Read
-
டீ, காபி குடிப்பவர்களா நீங்கள்? : அப்போ உங்களுக்கான முக்கிய செய்திதான் இது!
-
”பா.ஜ.க அமைதியாக வெளியேறாது கொடூரமானதாக மாறும்” : எச்சரிக்கும் பரகலா பிரபாகர்!
-
”மளமளவென சரிந்து வரும் பா.ஜ.கவின் வெற்றி வாய்ப்பு” : முன்னாள் முதல்வர் அகிலேஷ் பேச்சு!
-
‘நீட்’ தேர்வு - தொடரும் மரணமும் மோசடிகளும் : முரசொலி தலையங்கம்!
-
வாரணாசிக்கு என்ன செய்தார் மோடி? : வீண் வாக்குறுதிகளுக்கு வலுக்கும் எதிர்ப்புகள்!