Sports
சுழற்பந்துவீச்சுக்கு சாதகமான இந்திய மைதானங்கள் மோசமானதா ? -ஆஸ். வீரர்களின் விமர்சனத்துக்கு சச்சின் பதில்!
ஆஸ்திரேலியா மற்றும் இந்திய அணிகள் மோதும் 4 டெஸ்ட் போட்டிகள் கொண்ட பார்டர் கவாஸ்கர் டிராபி தொடரின் முதல் போட்டி இன்று நாக்பூரில் தொடங்கி நடைபெற்று வருகிறது. புகழ்பெற்ற பழமைவாய்ந்த ஆஷஸ் தொடருக்கு பின்னர் முக்கியத்துவம் வாய்ந்த டெஸ்ட் தொடராக இருப்பதால் இது கிரிக்கெட் உலகின் கவனத்தை ஈர்த்துள்ளது.
கடைசியாக ஆஸ்திரேலியாவில் நடந்த பார்டர் கவாஸ்கர் டிராபி தொடரை 2-1 என்ற கணக்கில் வென்று கோப்பையை தக்கவைத்துக்கொண்டது. மேலும், கடைசியாக நடந்த 3 தொடர்களிலும் இந்த கோப்பையை இந்திய அணியே வென்றுள்ளது. இதன் காரணமாக இந்த முறை இந்த தொடரை வென்று இந்திய அணிக்கு பதிலடி கொடுக்க ஆஸ்திரேலிய அணி தீவிரம் காட்டி வருகிறது.
இதற்காக சுழலுக்கு ஏற்ற இந்திய மைதானங்களை போலவே சிட்னியில் மைதானத்தை தயாரித்து ஆஸ்திரேலியா அணி பயிற்சியில் ஈடுபட்டது. இந்தியாவுக்கு வந்த பின்னரும் சுழல் பந்துவீச்சுக்கு தயாராகும் வகையில் தீவிர பயிற்சி மேற்கொண்டு வருகிறது. அதே நேரம் ஆஸ்திரேலிய வீரர்கள் இந்திய துணைக்கண்ட மைதானங்கள் சுழற்பந்துவீச்சுக்கு சாதகமாக இருப்பதை பல ஆண்டுகளாக விமர்சித்து வருகின்றனர்.
ஆனால், துணைக்கண்ட அணிகள் ஆஸ்திரேலியா சென்றால் அங்கு வேகப்பந்து வீச்சுக்கு சாதகமான மைதானத்தை அமைத்து அவர்கள் வென்றால் இதுதான் உண்மையான டெஸ்ட் போட்டி என்று கூறுவதும் காலம் காலமாக நடந்து வருகிறது. நம் நாட்டை சேர்ந்த சில விளையாட்டு விமர்சகர்கள் கூட சுழற்பந்துவீச்சுக்கு சாதகமாக இருக்கும் துணைக்கண்ட மைதானங்களை விமர்சித்தே வருகின்றனர்.
இந்த நிலையில், இதுபோன்ற விமர்சனங்களுக்கு இந்திய அணியின் முன்னாள் ஜாம்பவான் வீரர் சச்சின் டெண்டுல்கர் பதிலளித்துள்ளார். இது தொடர்பாக பேசியுள்ள அவர், "நீங்கள் சர்வதேச கிரிக்கெட்வீரர் என்றால் உலகின் எந்த ஆடுகளத்திலும் விளையாட வேண்டும். இது தான் வெளிநாட்டு பயணங்களின்போது உள்ள உண்மையான சவால்கள். நாங்கள் ஆஸ்திரேலியா செல்லும்போது பந்து சுழலும் என்று நாங்கள் எதிர்பார்ப்பதில்லை.
அங்கு ஆடுகளத்தின் தன்மை சிறிய பவுன்சருடன் வேகப்பந்து வீச்சுக்கு சாதகமாக இருக்கும் என்று எங்களுக்கு தெரியும். அதை எதிர்பார்த்துதான் அங்கு செல்வோம். அதேபோன்று தான் ஆஸ்திரேலிய அணி இந்தியாவுக்கு சுற்றுப்பயணம் மேற்கொள்ளும்போது ஆடுகளம் சுழலுக்கு சாதகமானதாகவும், ஆடுகளம் மிகவும் மெதுவானதாக இருக்கும் என்று அவர்களுக்கு தெரியும். இது தான் சர்வதேச டெஸ்ட் கிரிக்கெட்" என்று கூறியுள்ளார்.
Also Read
-
காசாவுக்கு பிறகு லெபனானை தாக்க தயாராகும் இஸ்ரேல் ? எல்லையில் இருந்து 1,80,000 பேர் இடம்பெயர்வு !
-
பாஜக தேசிய தலைவர் JP நட்டா உள்ளிட்ட பாஜக நிர்வாகிகள் மீது பாய்ந்த வழக்கு - பின்னணி என்ன ?
-
பாஜக தேர்தல் அறிக்கை : 76 பக்கத்தில் 67 முறை இடம்பெற்ற ‘மோடி’ பெயர் - வருத்தெடுக்கும் இணையவாசிகள்!
-
மோடியின் பேச்சு இந்தியா கூட்டணி வெல்லும் என அவரின் அச்சத்தை வெளிப்படுத்துகிறது - திருமாவளவன் !
-
பிரசாரத்தின்போது மோடி முகத்தை மறைத்த வேட்பாளர்... மோடி கொடுத்த Ultimate Reaction - பின்னணி என்ன?