ஜி20 கூட்டமைப்பில் இணைந்த ஆப்பிரிக்க யூனியன்.. ஜி21 ஆக பெயர்மாற்றம் பெற்ற கூட்டமைப்பு.. முழு விவரம் என்ன?

கடந்த 1999-ம் ஆண்டு ஜி-20 கூட்டமைப்பு உருவாக்கப்பட்டது. இந்த கூட்டமைப்பில் உலகின் 19 வளர்ச்சியடைந்த நாடுகள் மற்றும் ஐரோப்பிய யூனியன் ஆகியவை இடம்பெற்றுள்ளன. இந்த கூட்டமைப்பே உலகின் மிகப்பெரிய பொருளாதார மற்றும் சக்திவாய்ந்த கூட்டமைப்பாகக் கருதப்படுகிறது.

உலகின் ஒட்டுமொத்த பொருளாதாரத்தில் இந்த கூட்டமைப்பில் உள்ள நாடுகள் 80% பங்களிப்பையும், மக்கள் தொகையில் 75 % பங்களிப்பையும் கொண்டுள்ளன. இந்த கூட்டமைப்பில் உள்ள நாடுகள் ஆண்டுதோரும் ஒரு இடத்தில் ஒன்றுகூடி தங்களின் அடுத்த கட்ட நடவடிக்கை குறித்து விவாதிப்பர்.

ஆண்டுதோரும் ஜி-20 கூட்டமைப்பின் தலைமை பொறுப்பு கூட்டமைப்பில் உள்ள நாடுகளுக்கு சுழற்சி முறையில் வழங்கப்படும். அந்த வகையில் இந்த முறை இந்த ஜி-20 கூட்டமைப்பின் தலைமை பொறுப்பு இந்தியாவுக்கு வழங்கப்பட்டுள்ளது. இதனால் இந்த ஆண்டுக்கான ஜி-20 கூட்டமைப்பு மாநாடு இந்தியாவின் தலைநகர் டெல்லியில் இரண்டு நாட்கள் (செப்டம்பர் 9 மற்றும் 10 ஆம் தேதி) நடைபெறுகிறது.

இந்த மாநாட்டில் வளர்ந்து வரும் ஆப்ரிக்க நாடுகளையும் சேர்க்க வேண்டும் என்ற கோரிக்கை நீண்ட நாட்களாக வைக்கப்பட்டு வருகிறது. கடந்த ஆண்டு நடந்த ஜி-20 மாநாட்டின் போது, செனகலின் ஜனாதிபதி இதற்கான கோரிக்கையை முன்வைத்தார். இதனை முதல்முறையாக சீனா ஏற்றுக்கொண்ட நிலையில், இந்தோனேசியாவும் ஆதரித்தது.

மேலும், ஜப்பான், பிரான்ஸ் மற்றும் ஜெர்மனி போன்ற நாடுகளும் ஆப்ரிக்க கூட்டமைப்பை ஜி-20 கூட்டமைப்பில் சேர்க்க ஒப்புக்கொண்ட நிலையில், தற்போது இந்தியாவில் நடைபெறும் ஜி-20 மாநாட்டில் அதிகாரபூர்வமாக ஆப்ரிக்க கூட்டமைப்பு ஜி-20 கூட்டமைப்பில் சேர்த்துக்கொள்ளப்பட்டது. இதன் காரணமாக ஜி-20 கூட்டமைப்பின் பெயர் ஜி-21 கூட்டமைப்பு என பெயர்மாற்றம் பெற்றுள்ளது.