பா.ஜ.க ஆட்சியில் மதுபானத் தொழிலுக்கு தனி மாநாடு! : திடுக்கிடும் மது புழக்கம்!

உத்​தரப் பிரதேசத்​தில் மது​பானத் தொழிலுக்​கு என தனியே ‘மெகா முதலீட்டு மாநாட்டை’ இன்று (ஜுலை 10) நடத்துகிறது பா.ஜ.க அரசு. இதில், ரூ.5,000 கோடி மதிப்​பிலான திட்​டங்​களுக்கு புரிந்​துணர்வு ஒப்​பந்​தம் கையெழுத்​தாகலாம் என விளம்பரப்படுத்தப்பட்டுள்ளது.

உத்தரப் பிரதேசத்தில் பிற தொழில்​களு​டன் இணைந்து மது​பான தயாரிப்​புக்​கும் கடந்த ஆண்​டு​களில் முதலீட்டு திட்​டங்​கள் கையெழுத்​தாகின. அவற்​றில் சில தற்​போது செயல்​பாட்​டில் உள்​ளன. இச்​சூழலில், கலால் வரி வருமானத்தை அதிகரிக்​க, மது​பானத் தொழிலுக்கு என தனி மாநாடு நடை​பெறுகிறது.

இதுகுறித்து அம்மாநில கலால் துறை இணை​யமைச்​சர் (தனிப் பொறுப்​பு) நிதின் அகர்​வால் கூறுகை​யில், “கடந்த ஆண்​டு​களில் ‘இன்​வெஸ்ட் உ.பி.’ திட்​டம் மூலம் மாநிலத்​தில் மது​பானம் அடிப்​படையி​லான தொழில்களில் ரூ.39,479.39 கோடி முதலீட்​டுக்​கான 142 திட்​டங்​கள் பெறப்​பட்​டன.

இதற்​காக 135 புரிந்துணர்வு ஒப்​பந்​தங்​கள் கையெழுத்தாகியுள்ளன. இவற்​றில் 46 நிறு​வனங்​கள் ரூ.7,888.73 கோடியை முதலீடு செய்​கின்​றன. 19 நிறு​வனங்​கள் ரூ.2,339.6 கோடியை முதலீடு செய்து உற்​பத்​தியை தொடங்​கி​யுள்ளன” என்​றார்.

உ.பி பா.ஜ.க அரசின் கலால் கொள்​கை​யின் கீழ், நடப்பு நிதி​யாண்​டில் 3,171 உள்​நாட்டு மது​பானக் கடைகள் குறைக்​கப்​பட்​டுள்​ளன. அதேசம​யம், 3,392 பியர் கடைகள் மற்​றும் 2,799 வெளி​நாட்டு மது​பானக் கடைகள் அதி​கரிக்​கப்​பட்​டுள்​ளன. கிராமப்​புறங்​களில் 2,791 உள்​நாட்டு மது​பானக் கடைகளில் பியர் விற்பனை செய்ய அனு​மதி வழங்​கப்​பட்​டுள்​ளது.

2016-17-ம் ஆண்​டில் கலால் துறை ரூ.14,273.33 கோடி வரு​வாய் ஈட் டியது. இது, 2024-25-ஆம் ஆண்​டில் ரூ.52,573.07 கோடி​யாக அதி​கரித்​துள்​ளது. உயிரி எரிபொருள் கொள்​கை​யின் கீழ் உத்தரப் பிரதேசம் 182.6 கோடி லிட்​டர் பவர் மது உற்​பத்தி செய்​து நாட்டிலேயே முதலிடத்​தில்​ உள்​ளது என்பது குறிப்பிடத்தக்கது.