India
சொகுசு ஆடி காரில் ஆம்புலன்ஸ் சைரனுடன் ROUND - முன்னாள் MP-யின் மருமகனுக்கு ஆப்படித்த போலிஸார் !
கர்நாடக மாநிலம் மதச்சார்பற்ற ஜனதா தளம் கட்சியின் நாகமங்கலா தொகுதியின் முன்னாள் எம்.பி சிவராமகவுடா. இவர் தற்போது கட்சியில் இருந்து நீக்கப்பட்டுள்ளார். அதைத் தொடர்ந்து நாகமங்கலா தொகுதியில் சுயேச்சையாக போட்டியிட முயற்சிகள் மேற்கொண்டு வருகிறார்.
இவரின் மருமகன் ராஜீவ் ரத்தோர் நடிகராகவும் திகழ்ந்து வருகிறார். இந்த நிலையில் இவர் விஜயநகரத்தில் தனது சொகுசு ஆடி காரில் ஆம்புலன்ஸ் சைரனுடன் வலம் வந்துள்ளார். இதனை அவரின் பின்னால் இரு சக்கர வாகனத்தில் வந்த ஒருவர் வீடியோ எடுத்து சமூகவலைத்தளங்களில் வெளியிட்டுள்ளார்.
இதைத் தொடர்ந்து இந்த வீடியோ இணையத்தில் வைரலாகியுள்ளது. அதன் பின்னர் இது தொடர்பாக போக்குவரத்து காவல் நிலையத்தில் வழக்கும் பதிவு செய்யப்பட்டுள்ளது. அதன்படி விதிகளை மீறியதாக ராஜீவ் ரத்தோருக்கு விஜயநகரம் போக்குவரத்து போலிஸார் ரூ.28 ஆயிரம் அபராதம் விதித்தனர்.
ராஜீவ் ரத்தோட் பயன்படுத்திய கார் முன்னாள் எம்.பி சிவராம கவுடாவுக்கு சொந்தமான ராயல் கான்கார்ட் கல்வி நிறுவனத்தின் பெயரில் பதிவு செய்யப்பட்டது என தகவல் வெளியாகியுள்ளது.
Also Read
-
“நீதித்துறையின் மீது மக்களுக்கு நம்பிக்கை குறைந்து வருகிறது” -முன்னாள் நீதிபதி பிரபா ஸ்ரீதேவன் வருத்தம்!
-
5வது மாடியில் இருந்து வீசப்பட்ட பேச்சிளம் குழந்தை... தாயை அதிரடியாக கைது செய்த போலீஸ் -விசாரணையில் பகீர்!
-
காணாமல் போன மோடி : காணவில்லை என சுவரொட்டி அடித்த மணிப்பூர் மக்கள்!
-
பிரசாரத்துக்கு சென்ற பாஜக வேட்பாளருக்கு எதிர்ப்பு: சம்பவ இடத்திலேயே விவசாயி பரிதாப பலி -குவியும் கண்டனம்!
-
“பெண்கள் என்றால் எதை வேண்டுமானாலும் பேசலாமா ?” - சவுக்கு மீடியா சங்கருக்கு மகளிர் காங்கிரஸ் கண்டனம் !