India
வரதட்சணை கொடுமையால் மனைவி உயிரிழப்பு: அரசு பணியிலிருந்து கணவரை நீக்கிய கேரள அரசு - குவியும் பாராட்டு!
கேரளாவில் கடந்த மார்ச் மாதம் அரசு பணியில் இருக்கும் கிரண் குமார் என்பவரை மருத்துவ மாணவியான விஸ்மயா திருமணம் செய்து கொண்டார். மகளின் திருமணத்திற்காகப் பெற்றோர் 100 பவுன் நகை, ஒரு ஏக்கர் நிலம், 10 லட்சம் ரூபாய் மதிப்பிலான கார் உள்ளிட்டவற்றை வரதட்சணையாக வழங்கினர்.
வரதட்சணையாக இவ்வளவு பெற்றும், கிரண் குமார், மனைவி விஸ்மயாவுக்கு வரதட்சணை கொடுமை செய்துவந்தார். இதனால் மனமுடைந்த அவர் ஜூன் 21ஆம் தேதியன்று தற்கொலை செய்துகொண்டார்.
தற்கொலை செய்து கொள்வதற்கு சில நாட்களுக்கு முன்பு, வரதட்சணையாகக் கொடுக்கப்பட்ட கார் பிடிக்காத காரணத்தால் தனது கணவர் தன்னைக் கண்மூடித்தனமாகத் தாக்கி, தனக்குக் காயம் ஏற்படுத்திய புகைப்படங்களைப் பகிர்ந்திருந்தார். இவரின் தற்கொலை கேரளாவில் பெரும் பரபரப்பை ஏற்படுத்தியது. இதையடுத்து கிரண் குமார் கைது செய்யப்பட்டார்.
இதனைத் தொடர்ந்து, கிரண் குமார் போக்குவரத்துறையில் ஊழியராக இருந்தால், இவர் மீது போக்குவரத்துத்துறை விசாரணை நடத்தி வந்தது. 45 நாட்களாக நடைபெற்று வந்த விசாரணை முடிவடைந்ததைத் தொடர்ந்து, அவரை அரசு பணியிலிருந்து நீக்கம் செய்யப்பட்டுள்ளதாக போக்குவரத்துத்துறை அமைச்சர் ஆண்டனி ராஜூ தெரிவித்துள்ளார்.
கேரளாவில் வரதட்சணை கொடுமையைத் தடுக்கும் விதமாக, அரசு ஊழியர்கள் 'வரதட்சணை வாங்கவில்லை' என மனைவியின் பெற்றோரிடத்தில் கையொப்பம் பெற்ற சான்றிதழ்யை சமர்பிக்க வேண்டும் என வலியுறுத்தியுள்ளது என்பது குறிப்பிடத்தக்கது.
Also Read
-
"மனுக்களை கவனமாக பரிசீலனை செய்ய வேண்டும்" : அதிகாரிகளுக்கு துணை முதலமைச்சர் உதயநிதி அறிவுறுத்தல்!
-
”திமுக அரசினுடைய Brand Ambassodors மக்கள்தான்” : துணை முதலமைச்சர் உதயநிதி ஸ்டாலின் பேச்சு!
-
”சங்கிகளின் குரலாய் ஒலிக்கும் பழனிசாமி” : ஜூலை 14 ஆம் தேதி தி.மு.க. மாணவர் அணி சார்பில் ஆர்ப்பாட்டம்!
-
ரூ.40.86 கோடி - 2,099 பயனாளிகளுக்கு நலத்திட்ட உதவிகளை வழங்கிய துணை முதலமைச்சர் உதயநிதி!
-
சிந்தனைத் திறன் குறித்து தவறாக தகவல் பரப்பிய நடிகர் ரோபோ சங்கர் மகள்! : விளக்கமளித்த TN Fact Check!