India
“சவாலை ஏற்ற மம்தா பானர்ஜி... நந்திகிராமில் போட்டி” : திரிணாமுல் காங். வேட்பாளர்கள் பட்டியல் வெளியீடு!
மேற்கு வங்கத்தில் மம்தாவை வீழ்த்தி ஆட்சியை எப்படியாவது பிடித்துவிட வேண்டும் என பா.ஜ.க பல்வேறு குறுக்கு வழிகளை கையாண்டு வருகிறது. குறிப்பாக, ஆளும் திரிணாமுல் காங்கிரஸின் முக்கிய புள்ளிகளை விலைக்கு வாங்க முயற்சித்துக் கொண்டிருக்கிறது.
மேலும் முக்கிய கட்சிகளின் கூட்டணி இல்லாமல் சொந்த பலத்தில் களம் காண்கிறார் முதல்வர் மம்தா. அவரை பா.ஜ.க படுத்தும் பாட்டை கண்டு கோபமடைந்துள்ள வேறு மாநிலக் கட்சிகளும், தாமாக முன்வந்து அவருக்கு ஆதரவு தெரிவித்து வருகின்றன.
மேலும், மேற்கு வங்கத்துக்கு மட்டும் 8 கட்டங்களாக தேர்தல் நடத்தப்படுவதும் பா.ஜ.கவின் கைங்கர்யமே எனக் குற்றம்சாட்டப்படுகிறது. இந்நிலையில் மேற்கு வங்க சட்டப்பேரவைத் தேர்தலில், திரிணாமுல் காங்கிரஸ் கட்சி சார்பில் போட்டியிடும் 291 வேட்பாளர்களின் முழுமையான பட்டியல் வெளியிடப்பட்டுள்ளது.
இந்த வேட்பாளர்கள் பட்டியலை திரிணாமுல் காங்கிரஸ் கட்சித் தலைவர் மம்தா பானர்ஜி வெளியிட்டுள்ளார். அந்தப் பட்டியலின்அடி, 50 பெண்கள், 42 இஸ்லாமியர்கள், 79 தாழ்த்தப்பட்டோர் மற்றும் 17 பழங்குடியின வேட்பாளர்களுக்கு வாய்ப்பு வழங்கப்பட்டுள்ளது.
மேற்கு வங்கத்தின் நந்திகிராம் தொகுதியில் மம்தா பானர்ஜி போட்டியிடவிருக்கிறார். சமீபத்தில், திரிணாமுல் காங்கிரஸ் கட்சியின் மூத்த தலைவரான சுவேந்து அக்கட்சியில் இருந்து விலகி பா.ஜ.க.வில் இணைந்தார்.
அப்போது, வரும் சட்டசபை தேர்தலில் நந்திகிராம் தொகுதியில் மம்தாவை எதிர்த்து போட்டியிட்டு தோற்கடிப்பேன் என சுவேந்து சவால் விடுத்தார். இந்தச் சவாலை ஏற்று மம்தாவும் நந்திகிராமில் போட்டியிடுவேன் என அறிவித்துள்ளார்.
Also Read
-
பாஜகவின் வண்டவாளத்தை அம்பலப்படுத்தும் Youtuber குறித்து அவதூறு பரப்பும் பாஜகவினர்... குவியும் கண்டனம் !
-
இங்கிலாந்து வாழ் இந்தியர்களாலும் வெறுக்கப்படும் மோடி!
-
இந்தியாவிற்கு அவப்பெயர் தேடி தந்த மோடி! : முதலீடு செய்ய தாமதிக்கும் Tesla!
-
ஆபாச வீடியோ விவகாரம் : பிரஜ்வல் ரேவண்ணா தப்பிக்க உதவியவர் யார்? மோடி மௌனத்தை குறிப்பிட்டு D.ராஜா கேள்வி!
-
பாலியல் புகார் : மகனை தொடர்ந்து சர்ச்சையில் சிக்கிய தந்தை : பாஜக - JDS கூட்டணிக்கு சிக்கல் !