'தல்லுமாலா' திரைப்படம்.. டொவினோ தாமஸ் - மோகன்லால் ரசிகர்களிடையே மோதல்? - பின்னணி என்ன ?

நடிகர் டொவினோ தாமஸ்,கல்யாணி பிரியதர்ஷன் நடிப்பில் நேற்று வெளியான திரைப்படம் தான் 'தல்லுமாலா'. இப்படம் நேற்று கேரள மாநிலத்தில் உள்ள திரையரங்கில் வெளியாகி ரசிகர்களிடையே வரவேற்பை பெற்று வருகிறது.

இந்த நிலையில், கேரள மாநிலம் கோழிக்கோடு பகுதியில் திரையரங்குகளில் வெளியான 'தல்லுமாலா' திரைப்படத்தை காண ரசிகர்கள் குவிந்தனர். அப்போது அங்கு வந்த நடிகர் மோகன்லால் ரசிகர்கள், தல்லுமாலா படம் நன்றாக இல்லை என்று கூறியதால் இருதரப்பினருக்குமிடையே மோதல் ஏற்பட்டதாக இணையத்தில் வீடியோ ஒன்று வைரலாகி வருகிறது.

ஆனால் மோகன்லால் ரசிகர் தரப்பினர் இதற்கு மறுப்பு தெரிவித்துள்ளனர். மேலும் எங்களில் யாரும் அப்படி செய்யவில்லை என்றும் தெரிவித்துள்ளனர்.

இந்த நிலையில், இந்த வீடியோ ஏதோ பள்ளி மாணவ கும்பலுக்கிடையே ஏற்பட்ட தகராறு என்றும், அந்த வீடியோவை பகிர்ந்து இப்படி சித்தரிப்பதாகவும் தகவல்கள் வெளியாகியுள்ளது. இதனால் கேரளா திரை ரசிகர்களுக்கிடையே சலசலப்பு ஏற்பட்டுள்ளது.