பாலிவுட்டில் அறிமுகமாகும் அஜித் பட இயக்குநர்!

தமிழில் அறிந்தும் அறியாமலும், பட்டியல், பில்லா, சர்வம், ஆரம்பம், யட்சன் படங்களை இயக்கியவர் விஷ்ணுவர்தன். நான்கு வருட இடைவெளிக்குப் பிறகு இவர் தனது அடுத்த படத்தை இயக்க துவங்கிவிட்டார். ஆனால் இந்த முறை இந்தி படம் இயக்குகிறார் விஷ்ணுவர்தன். கார்கில் போரில் வீர மரணமடைந்த விக்ரம் பத்ராவின் பயோபிக் தான் அந்தப் படம். `சேர்ஷா’ (Shershaah) எனப் பெயரிடப்பட்டிருக்கும் இந்தப் படம் மூலம் பாலிவுட்டில் அறிமுகமாகிறார் விஷ்ணுவர்தன்.

இதன் படப்பிடிப்பு இன்று துவங்கியிருக்கிறது. சித்தார்த் மல்ஹோத்ரா, க்யாரா அத்வானி நடிக்கும் இந்தப் படத்தின் முதல்கட்ட படப்பிடிப்பு 70 நாட்கள் சண்டிகர், காஷ்மீர், லடாக் மற்றும் பலம்பூர் ஆகிய பகுதிகளில் நடக்க இருக்கிறது. கரண் ஜோகரின் தர்மா புரொடக்‌ஷன்ஸ் தயாரிக்கும் இந்தப் படம் 2020ல் வெளியாகும் என சொல்லப்படுகிறது.