இந்தியா

“உலகளவில் கொரோனா பாதிப்பில் 2வது இடத்தில் இந்தியா” : 2வது நாளாக 90 ஆயிரம் பேர் பாதிப்பு; 1,061 பேர் பலி!

இந்தியாவில் இதுவரை இல்லாத உச்சமாக, இன்று ஒரே நாளில் 90,802 பேருக்கு கொரோனா உறுதி செய்யப்பட்டுள்ளது.

  • Twitter
  • Facebook
  • WhatsApp
Premkumar
Updated on

கொரோனா வைரஸ் தொற்று உலகையே ஆட்டிப்படைத்து வருகிறது. கடந்த 6 மாதங்களுக்கும் மேலாக உலக நாடுகளைச் சிதைத்துச் சின்னாபின்னமாக்கி வருகிறது கொரோனா பெருந்தொற்று.

கொரோனா வைரஸுக்கு இதுவரை தடுப்பு மருந்துகள் கண்டுபிடிக்கப்படாத நிலையில் உலக நாடுகள் திணறி வருகின்றன. இன்னும் இந்தியா உள்ளிட்ட பல நாடுகளில் ஊரடங்கு தொடர்கிறது.

உலகம் முழுவதும் கொரோனா நோய்த் தொற்றுக்கு 27,292,583 பேர் பாதிக்கப்பட்டு உள்ளனர். மேலும் சுமார் 887,554 பேர் கொரோனா தொற்றால் பலியாகி உள்ளனர். அதேப்போல், உலக நாடுகளில் அதிகட்சமாக அமெரிக்காவில் மட்டும் 6,431,152 பேர் கொரோனாவால் பாதிக்கப்பட்டுள்ளனர். சுமார் 192,818 பேர் பலியாகினர்.

“உலகளவில் கொரோனா பாதிப்பில் 2வது இடத்தில் இந்தியா” : 2வது நாளாக 90 ஆயிரம் பேர் பாதிப்பு; 1,061 பேர் பலி!

இந்நிலையில், இந்தியாவில் நேற்று ஒரே நாளில் 24 மணி நேரத்தில் 90,802 பேர் பாதிக்கப்பட்டுள்ளனர். சுமார், 1061 பேர் பலியாகியுள்ளனர். இதனால், உலகளவில் கொரோனா பாதிப்பில் 3வது இடத்தில் இருந்த இந்தியா, தற்போது பிரேசிலை முந்திக்கொண்டு 2வது இடத்தை பிடித்திருக்கிறது.

இந்தியாவில் பாதிக்கப்பட்டோர் எண்ணிக்கை 42 லட்சத்தை தாண்டியுள்ளது. பலி 70 ஆயிரத்தை தாண்டியது. இதுவரை இந்தியாவில் 42,04,613 பேர் பாதிக்கப்பட்டுள்ளனர். மேலும் பலியானோர் எண்ணிக்கை 70,679 ஆக அதிகரித்துள்ளது.

நேற்றைய கணக்குப்படி, கடந்த நான்கு நாட்களாக உயிரிழப்பு ஆயிரத்துக்கு மேல் உள்ளது. உயிரிழப்பு 1.70% ஆக அதிகரித்துள்ளது. அதேவேளையில், கடந்த இரண்டு வாரங்களில் 10 லட்சம் பேருக்குப் பாதிப்க்கப்பட்டுள்ளனர். அதே கடந்த ஒரு மாதத்தில் மட்டுமே 20 லட்சம் பேர் பாதிக்கப்பட்டுள்ளனர். இதில், 77.31% பேர் இதுவரை குணமடைந்துள்ளனர்.

banner

Related Stories

Related Stories