நாடாளுமன்ற, சட்டமன்றத் தேர்தல்களில் போட்டியிடும் அரசியல் கட்சிகள் பெற்ற வாக்கு எண்ணிக்கையின் அடிப்படையில் விகிதாச்சார பிரதிநிதித்துவ முறையில் அதிகாரம் வேண்டும் என அரசியல் சட்டத்தில் திருத்தம் செய்யவேண்டி தீர்மானம் வாசித்தார் மு.க.ஸ்டாலின்.
அடிப்படை பண்புகளுக்கு ஊறு நேராமல் அரசியல் சட்டத்தை நிறைவேற்றக் கோரி தீர்மானம்.
இந்திய அரசியல் சட்டம் 70ம் ஆண்டு நிறைவு விழாவுக்கு வாழ்த்து தெரிவித்து தீர்மானம்!
தி.மு.க சட்டத் திருத்த விதிகளில் கொண்டுவரப்பட்ட தீர்மானங்கள் நிறைவேற்றம்!
வாக்குச்சாவடிக்கு 10 பேர் கொண்ட உட்குழு அமைக்கப்படும் என தி.மு.க பொதுக்குழு கூட்டத்தில் தீர்மானம்!
தி.மு.க இளைஞரணி உறுப்பினர்களுக்கான வயது வரம்பு 18 முதல் 35 வரை நிர்ணயித்து கட்சி விதிகளில் திருத்தம் செய்து தி.மு.க பொதுக்குழு கூட்டத்தில் தீர்மானம்!
தி.மு.க அமைப்பு தேர்தலை 2020ம் ஆண்டுக்குள் நடத்தி முடிப்பது என தீர்மானம்.
திருநங்கைகளை தி.மு.க உறுப்பினர்களாக சேர்ப்பதற்கு விதிகளில் திருத்தம் செய்து தீர்மானம்.
இணையதளம் மூலம் தி.மு.க.வில் உறுப்பினர்களை சேர்க்க விதிகளில் திருத்தம் செய்து தீர்மானம்.
வெளிநாடு வாழ் இந்தியர்களை திமுகவில் உறுப்பினராக சேர்க்க விதிகளில் திருத்தம் செய்து தீர்மானம்.
பேனர் விபத்தில் உயிரிழந்த சுபஸ்ரீ மறைவுக்கும், ஆழ்துளை கிணற்றில் விழுந்து உயிரிழந்த குழந்தை சுஜித்திற்கும் கூட்டத்தில் இரங்கல் தெரிவிக்கப்பட்டது.
பொதுக்குழு மேடையில் வைக்கப்பட்டிருந்த அண்ணா, கலைஞர் படங்களுக்கு மலர்தூவி தி.மு.க தலைவர் மு.க.ஸ்டாலின் மரியாதை செலுத்தினார்.
பொருளாளர் துரைமுருகன், டி.ஆர்.பாலு, ஆர்.எஸ்.பாரதி, கனிமொழி உள்ளிட்டோர் பங்கேற்பு.