சினிமா

வெளியானது கார்த்தியின் ‘கைதி’ ட்ரெய்லர் : தீபாவளி ரிலீஸ் படங்களுக்கிடையே கடும் போட்டி இருக்குமா?

நடிகர் கார்த்தியின் கைதி பட ட்ரெய்லர் வெளியாகியுள்ளது.

  • Twitter
  • Facebook
  • WhatsApp
Updated on

தேவ் படத்தை தொடர்ந்து மாநகரம் பட இயக்குநர் லோகேஷ் கனகராஜ் இயக்கத்தில் கார்த்தி நடித்து முடித்திருக்கும் படம் கைதி.

ட்ரீம் வாரியர் பிக்சர்ஸ் நிறுவனம் தயாரித்திருக்கும் இந்தப் படத்தின் படப்பிடிப்பு வேலைகள் மிகவிரைவாக நடந்து முடிந்திருக்கிறது. ஒரே இரவில் 4 மணி நேரத்திற்குள் நடக்கும் கதை என்பதால் இந்தப் படத்தில் ஹீரோயின் இல்லை.

வெளியானது கார்த்தியின் ‘கைதி’ ட்ரெய்லர் : தீபாவளி ரிலீஸ் படங்களுக்கிடையே கடும் போட்டி இருக்குமா?

மே மாதம் வெளியான கைதி படத்தின் ஃபர்ஸ்ட் லுக் போஸ்டர் வைரலானதைத் தொடர்ந்து, படத்தின் டீசரையும் படக்குழு வெளியிட்டிருந்தது. போலிஸ் ரோந்து செல்லாத ஒரு நாள் இரவில் நடக்கும் கொலை முயற்சி, அதில் இருந்து கார்த்தி எப்படி தப்பிக்கிறார் என்பது தான் இந்தப் படத்தின் கதை எனத் தகவல் வெளியாகியுள்ளது.

இப்படத்தில், நரேன், யோகிபாபு, பொன்வண்ணன், மகாநதி சங்கர் உள்ளிட்ட பலர் நடித்திருக்கிறார்கள். இந்த படத்தின் ரிலீஸுக்கான பணிகள் தற்போது முழு வீச்சில் நடைபெற்று வருகின்றன.

வெளியானது கார்த்தியின் ‘கைதி’ ட்ரெய்லர் : தீபாவளி ரிலீஸ் படங்களுக்கிடையே கடும் போட்டி இருக்குமா?

தீபாவளி விருந்தாக திரைக்கு வர இருக்கும் இந்தப் படத்தின் ட்ரெய்லரை படக்குழு தற்போது வெளியிட்டுள்ளது. ரசிகர்களின் மிகுந்த எதிர்ப்பார்ப்பில் இருக்கும் இந்தப் படத்திற்கு தற்போது வெளிவந்துள்ள ட்ரெய்லர் மேலும் பலம் சேர்த்துள்ளது.

தீபாவளி அன்று விஜய்யின் பிகில், விஜய் சேதுபதியின் சங்கத்தமிழன் ஆகிய படங்கள் வெளியாவதால் முதல் மூன்று நாட்கள் வசூலில் எந்த படம் அதிக லாபம் பார்க்கும் என்பதில் கடும் போட்டி நிலவ உள்ளது.

அதற்கு ரசிகர்களை தயார் செய்யும் விதமாகவே படத்தின் ப்ரோமோஷன் வேலைகளையும் கைதி படக்குழு தீவிரப்படுத்தி வருகிறது.

banner

Related Stories

Related Stories