Tamilnadu
"தி.மு.க இந்து விரோத கட்சி என்ற அவதூறை அடித்து நொறுக்கிவிட்டார் சேகர்பாபு” : உதயநிதி ஸ்டாலின் பேச்சு!
தி.மு.க ஆட்சி அமைக்கும் முன் இந்து விரோத கட்சி என்ற தவறான கருத்தினை பரப்பினார்கள் என்றும் அதிரடியாக செயல்பட்ட அமைச்சர் சேகர்பாபு அதனை மாற்றி உள்ளார் என்றும் தி.மு.க இளைஞரணி செயலாளர் உதயநிதி ஸ்டாலின் எம்.எல்.ஏ புகழாரம் சூட்டியுள்ளார்.
பொங்கல் திருநாளையொட்டி துறைமுகம் சட்டசபை தொகுதியில் தி.மு.க நிர்வாகிகள் மற்றும் பொதுமக்களின் குடும்பங்களுக்கு புத்தாடைகள், பொங்கல் பரிசுத்தொகுப்பு, நிதியுதவி மற்றும் 2022-ஆம் ஆண்டிற்கான நாட்காட்டி வழங்கும் நிகழ்ச்சியை முதற்கட்டமாக தொடங்கி வைக்கும் விழா அண்ணா அறிவாலயம் கலைஞர் அரங்கில் இன்று நடைபெற்றது.
இந்த விழாவில் தி.மு.க இளைஞரணி செயலாளரும், சேப்பாக்கம் - திருவல்லிக்கேணி தொகுதி எம்.எல்.ஏவுமான உதயநிதி ஸ்டாலின், இந்து சமய அறநிலையத்துறை அமைச்சர் சேகர்பாபு, மத்திய சென்னை எம்.பி தயாநிதி மாறன் ஆகியோர் பங்கேற்றனர்.
இந்த விழாவில் தி.மு.க நிர்வாகிகளுக்கு பரிசுத் தொகுப்புகளை வழங்கி தி.மு.க இளைஞரணி செயலாளர் உதயநிதி ஸ்டாலின் எம்.எல்.ஏ பேசுகையில், “கொரோனா இரண்டாம் அலை வந்தபோது முதலமைச்சர் மு.க.ஸ்டாலின் தலைமையிலான தி.மு.க ஆட்சி அமைந்தது.
நாம் அனைவரும் தீவிரமாகச் செயல்பட்டு கொரோனா தொற்றை ஒழித்தோம். தற்போது மூன்றாவது அலை மிகவும் அச்சுறுத்தலாக இருக்கிறது. இந்த மூன்றாவது அலையையும் சிறப்பாக கையாண்டு தமிழக அரசு மக்களை காப்பாற்றும் என்ற நம்பிக்கை எனக்கு இருக்கிறது.
தி.மு.க ஆட்சி அமைப்பதற்கு முன்னர் நம் கட்சி மீது தவறான தோற்றத்தை உருவாக்கி வைத்திருந்தார்கள். தி.மு.க இந்து விரோத கட்சி எனப் பொய் பிரச்சாரம் செய்து வந்தனர். அதை அடித்து உடைத்து சிறப்பான வகையில் சேகர்பாபு செயலாற்றிக் கொண்டிருக்கிறார்” எனப் பேசினார்.
Also Read
-
“DGPயே கொலைகள் குறைந்துவிட்டதாக கூறுவது ஆறுதல் அல்ல; அது நிர்வாகத்தின் அவலம்” : உதயநிதி ஸ்டாலின் பதிலடி!
-
“த.வெ.க கொள்கை பரப்பு செயலாளர் மாணிக்கம் தாகூர்” : கழக அமைப்புச் செயலாளர் ஆர்.எஸ்.பாரதி பேட்டி!
-
இது பாசிசமா பாயாசமா?; ஒரு நாளேட்டின் ஆசிரியருக்கே இதுதான் நிலையா? : த.வெ.க அரசுக்கு மு.க.ஸ்டாலின் கேள்வி!
-
அரசியல் விளம்பரத்திற்காக... அனுமதியின்றி அணையைத் திறந்த த.வெ.க.வினர்! : தங்கம் தென்னரசு கண்டனம்!
-
“த.வெ.க ஆட்சி தானாகவே கவிழும்” : முன்னாள் அமைச்சர் ரகுபதி திட்டவட்டம்!