+2 : மாணவர்களை விட மாணவியர் 5% அதிக தேர்ச்சி!

தமிழகத்தில் 8.66 லட்சம் மாணவர்கள் எழுதிய +2 பொதுத்தேர்வு முடிவுகள் இன்று காலை வெளியாகின. தேர்வு எழுதியவர்களில் 91.3% பேர் தேர்ச்சி பெற்றுள்ளனர். அதில், மாணவிகள் 93.64 சதவீதமும், மாணவர்கள் 88.57 சதவீதமும் தேர்ச்சி பெற்றுள்ளனர். மாணவர்களை விட மாணவியர் 5.07% அதிக தேர்ச்சி பெற்றுள்ளது குறிப்பிடத்தக்கது.

12-ம் வகுப்புத் தேர்வில் அரசுப் பள்ளி மாணவர்களில் 84.76% தேர்ச்சி பெற்றுள்ளனர்.

முக்கியப் பாடங்களில் மாணவ - மாணவிகளின் தேர்ச்சி விகிதம் பின்வருமாறு :

இயற்பியல் - 93.89%

வேதியியல் - 94.88%

உயிரியல் - 96.05%

கணிதம் - 96.25%

தாவரவியல் - 89.98%

விலங்கியல் - 89.44%

கணக்குப் பதிவியல் - 92.41%

கணினி அறிவியல் - 95.27%

வணிகவியல் - 91.23%

+2 தேர்வு எழுதியோர் ஏப்ரல் 20 முதல் 26-ம் தேதி வரை தாங்கள் படித்த பள்ளிகளில் மதிப்பெண் பட்டியலைப் பெற்றுக் கொள்ளலாம். மறுகூட்டல் மற்றும் விடைத்தாள் நகல் பெற மாணவர்கள் படித்த பள்ளிகள் மூலமும், தனித்தேர்வர்கள் தேர்வு எழுதிய மையங்கள் வழியாகவும் ஏப்ரல் 22 முதல் 24-ம் தேதி வரை விண்ணப்பிக்கலாம் என்று தேர்வுத்துறை அறிவித்துள்ளது குறிப்பிடத்தக்கது.