India
முத்தமிழறிஞர் கலைஞர் நூற்றாண்டையொட்டி ரூ.100 நினைவு நாணயம் வெளியீடு : அரசாணையை வெளியிட்டது ஒன்றிய அரசு !
தமிழ்நாட்டின் முன்னாள் முதலமைச்சரும், இந்தியாவின் மூத்த அரசியல் தலைவருமான முத்தமிழறிஞர் கலைஞர் அவர்களின் நூற்றாண்டு விழா தமிழ்நாடு முழுவதும் சிறப்பாக கொண்டாடப்பட்டது. இதற்காக தமிழ்நாடு அரசு சார்பில் ஏராளமான நிகழ்ச்சிகள் நடத்தப்பட்டது.
தொடர்ந்து முத்தமிழறிஞர் கலைஞர் அவர்களின் நூற்றாண்டு விழாவை முன்னிட்டு , நினைவு நாணயம் வெளியிட தமிழ்நாடு அரசு திட்டமிட்டு, இது தொடர்பான கோரிக்கையை ஒன்றிய அரசுக்கு அளித்தது. அதன் அடிப்படையில் ஒன்றிய நிதி அமைச்சகம் இதனை பரிசீலித்து வந்த நிலையில், அதற்கு ஒப்புதல் அளிக்கப்பட்டுள்ளது.
இந்த நிலையில், ரூ.100 மதிப்பில் நினைவு நாணயம் வெளியிடும்படி தமிழ்நாடு அரசு விடுத்த கோரிக்கையை ஏற்று ஒன்றிய அரசு அதனை அரசிதழில் வெளியிட்டுள்ளது. இது குறித்து வெளியான அறிவிப்பில் கலைஞரின் நினைவு நாணையத்தின் ஒரு புறம் சிரித்த முகத்துடன், 'முத்தமிழ் அறிஞர் கலைஞர் பிறந்த நாள் நூற்றாண்டு 1924 – 2024' என ஆங்கிலத்திலும் இந்தியிலும் அச்சிடபட்டுள்ளது.
மறுபுறத்தில் தேசிய நினைவுச் சின்னத்துடன் ரூ.100 என மதிப்பு குறிப்பிடப்பட்டுள்ளது. மேலும் இந்தியா என ஆங்கிலத்திலும், பாரத் என இந்தியிலும் குறிப்பிடப்பட்டுள்ளது. இந்த உத்தேச வடிவத்தில் தேவைப்படும் மாற்றங்களை ஒன்றிய நிதியமைச்சகமே செய்யும் என்றும், இப்பணிகள் விரைவில் முடிக்கப்பட்டு,நினைவு நாணயம் வெளியிடப்படும் என்றும் அறிவிக்கப்பட்டுள்ளது.
Also Read
-
“கோமாளி ஆட்சியின் வெட்டி Ego-வால் துயரில் நிற்கும் விவசாயிகள்” : எதிர்க்கட்சி தலைவர் உதயநிதி கண்டனம்!
-
“த.வெ.க அமைச்சர்களின் செயலால் தமிழ்நாட்டிற்கு தலைகுனிவு” : கீதா ஜீவன் விமர்சனம்!
-
பத்திரிகையாளர்களை அவமதித்த வைகோ... “என்ன வெங்காயத்திற்கு அழைக்கின்றீர்கள்?” - மல்லை சத்யா காட்டம்!
-
ரேஷன் அரிசியில் மொய்க்கும் வண்டுகள்.. வாங்க மறுத்து வாக்குவாதத்தில் ஈடுபட்ட பொதுமக்கள்-திருச்சியில் பரபர!
-
19 வயது இளைஞரின் முகத்தில் ஊற்றப்பட்ட கொதிக்கும் சாம்பார்.. அம்மா உணவக ஊழியரின் வெறிச்செயல்! - நடந்தது ?