India
8 மணி நேரம்- 36 வீடியோ.. பா.ஜ.க தலைவரின் ஆபாச வீடியோ: தொலைக்காட்சியில் வெளியானதால் மக்கள் அதிர்ச்சி!
மகாராஷ்டிராவை சேர்ந்த பா.ஜ.க. தலைவரும், முன்னாள் எம்.பி.யுமான கிரித் சோமையாவின் ஆபாச வீடியோ மராத்தி தொலைக்காட்சிகளில் வெளியாகியுள்ளது. மொத்தம் 8 மணி நேரத்திற்கு 35 விடியோக்கள் வெளியாகி பரபரப்பை ஏற்படுத்தியுள்ளது.
கிரித் சோமையாவுக்கு எதிராக, காங்கிரஸ், சிவசேனா, தேசியவாத காங்கிரஸ் உள்ளிட்ட எதிர்க்கட்சிகள் போராட்டத்தில் குதித்ததையடுத்து, இது தொடர்பாக உயர்மட்ட விசாரணை நடத்தப்படும் என மகாராஷ்டிரா துணை முதலமைச்சர் தேவேந்திர பட்னாவிஸ் தெரிவித்துள்ளார்.
இந்த ஆபாச வீடியோ மூலம் ஆளும் கட்சியின் உண்மையான முகம் அம்பலமாகியுள்ளதாக எதிர்க்கட்சிகள் விமர்சித்துள்ளன. பா.ஜ.க. தலைவரின் ஆபாச வீடியோ வெளியான விவகாரம் மகாராஷ்டிரா அரசியலில் பரபரப்பை ஏற்படுத்தியுள்ளது.
இதனிடையே, கிரித் சோமையா மீது பல்வேறு புகார்கள் கூறப்பட்டுள்ளன. அரசு பெண் அதிகாரிகளை மிரட்டி பணம் பறிப்பதும் அவர்களை மிரட்டி பணியவைப்பதையுமே பாஜக தலைவர் கிரித் சோமையா, வாடிக்கையாக கொண்டுள்ளார்.
மேலும், அமலாக்கத்துறை உள்ளிட்ட ஒன்றிய அரசின் விசாரணை அமைப்புகள் மூலம், பல்வேறு அரசியல் கட்சிகளை அச்சுறுத்தி வந்துள்ளதாகவும் புகார் எழுந்துள்ளது. அரசியல் பழிவாங்கும் நடவடிக்கையாக, பொய் வழக்குகளை பதிவு செய்து ஒன்றிய அரசின் விசாரணை அமைப்புகளை விசாரிக்கக் கூறி கிரித் சோமையா பணம் பறித்து வந்ததும் தெரியவந்துள்ளது.
இப்படி கிரித் சோமையா குறித்து அடுத்தடுத்து சர்ச்சை கருத்துகள் வெளியாகி மகராஷ்டிராவில் பரபரப்பை ஏற்படுத்தி வருகிறது. இது பா.ஜ.க கட்சிக்கு பெரிய அவமானத்தை ஏற்படுத்தியதால் மகாராஷ்டிரா மாநிலம் முழுவதும் கிரித் சோமையா குறித்து வீடியோ வெளியிட்ட லோக்ஷாஹி மராத்தி தொலைக்காட்சி சேனல் முடக்கப்பட்டுள்ளது.
இதன் மூலம் பா.ஜ.க தனது உண்மையை மறைக்க பார்க்கிறது என தொலைக்காட்சி முடக்கப்பட்டதற்கு எதிர்க்கட்சிகள் பலரும் கண்டனம் தெரிவித்து வருகின்றனர். மேலும் மாநிலத்தின் பல்வேறு இடங்களில் கிரித் சோமையாவை கண்டு போராட்டம் நடைபெற்று வருகிறது.
Also Read
-
மக்களின் வாழ்வாதாரத்தை உயர்த்தும் திராவிட மாடல் அரசின் திட்டங்கள் : பட்டியலிட்டு தி.மு.க பெருமிதம்!
-
பாஜகவுக்கு வாக்களிக்காத தலித் இளைஞர் மீது கொடூர தாக்குதல் : உ.பி-யில் யோகி போலிஸ் காட்டுத் தர்பார்!
-
டீ, காபி குடிப்பவர்களா நீங்கள்? : அப்போ உங்களுக்கான முக்கிய செய்திதான் இது!
-
”பா.ஜ.க அமைதியாக வெளியேறாது கொடூரமானதாக மாறும்” : எச்சரிக்கும் பரகலா பிரபாகர்!
-
”மளமளவென சரிந்து வரும் பா.ஜ.கவின் வெற்றி வாய்ப்பு” : முன்னாள் முதல்வர் அகிலேஷ் பேச்சு!