உள்ளாடைகளை அகற்றினால்தான் தேர்வெழுத அனுமதி..கேரளாவில் நீட் பெயரில் மாணவிகளுக்கு நடந்த அநீதி!

எம்.பி.பி.எஸ், பி.டி.எஸ் உள்ளிட்ட இளங்கலை மருத்துவப்படிப்புகளுக்கான தேசிய தகுதி மற்றும் நுழைவுத் தேர்வான நீட் தேர்வு நேற்று இந்தியா முழுவதும் நடைபெற்றது. இதற்காக வழிகாட்டுதல்களை தேசிய தேர்வு முகமை வெளியிட்டது.

வழிகாட்டு நெறிமுறைகளில் ட்ரெஸ் கோட் எனப்படும் ஆடை கட்டுப்பாடும் அறிவிக்கப்பட்டது. அதன்படி நீண்ட கைகளுடன் (புல் ஹேண்ட்) கூடிய லேசான ஆடைகள் அணிந்திருக்கும் மாணவர்களுக்கு தேர்வெழுத அனுமதியில்லை. குறைந்த குதிகால் (ஹீல்ஸ்0 கொண்ட செருப்புகள் மற்றும் செருப்புகள் அனுமதிக்கப்படும், ஹூக்களுக்கு அனுமதியில்லை.

பர்சுகள், கண்ணாடிகள், கைப்பைகள், பெல்ட்கள், தொப்பிகள் போன்ற பொருட்கள் தடைசெய்யப்பட்டுள்ளன. 4. கைக்கடிகாரம், கைக்கடிகாரம், வளையல், கேமரா, ஆபரணங்கள் மற்றும் உலோகப் பொருட்களும் தடைசெய்யப்பட்டுள்ளன.பெண் வேட்பாளர்களை சோதனையிடுவது பெண் ஊழியர்களால் மட்டுமே மூடப்பட்ட அடைப்புக்குள் செய்யப்படும் போன்ற கட்டுப்பாடுகள் அமல்படுத்தப்பட்டன.

இந்த நிலையில், கேரள மாநிலத்தில் உள்ள கொல்லம் நகரில் அமைக்கப்பட்டிருந்த நீட் தேர்வு மையத்தில், மாணவிகளின் உள்ளாடைகளை அகற்ற வலியுறுத்தப்பட்டது அதிர்ச்சியை ஏற்படுத்தியுள்ளது. மாணவிகளின் உள்ளாடைகளில் உலோக ஹூக்குகள் இருப்பதால் அவர்களை தேர்வு மையத்தில் அனுமதிக்கமுடியாது என அதிகாரிகள் மறுத்துள்ளனர்.

இந்த சம்பவம் தொடர்பாக நீட் தேர்வு எழுதிய மாணவியின் தந்தை காவல்நிலையத்தில் புகார் ஒன்றை அளித்துள்ளார். அதில் "என் மகள் பல மாதங்கள் நீட் தேர்வுக்கு தயாரான நிலையில், இது போன்ற மனு அழுத்தம் காரணமாக சரியாக தேர்வு எழுதவில்லை. என மகள் அழுதுகொண்டே வெளியே வந்தாள்" எனக் கூறியுள்ளார். இந்த சம்பவம் கேரளத்தில் பெரும் அதிர்ச்சியை ஏற்படுத்தியுள்ளது.