Cinema
#RIP : பிரபல தமிழ் நடிகை ஸ்ரீபிரியாவின் தாயார் காலமானார்.. திரை பிரபலங்கள் இரங்கல் !
1974-ம் ஆண்டு வெளியான 'முருகன் காட்டிய வழி' என்ற படத்தின் மூலம் தமிழ் சினிமாவில் அறிமுகமானவர் தான் நடிகை ஸ்ரீபிரியா. அதன்பிறகு பல்வேறு படங்களில் நடித்துள்ள இவர், எம்.ஜி.ஆர், சிவாஜி தொடங்கி, கமல், ரஜினி படங்களிலும் நடித்துள்ளார்.
90-களில் ரஜினி, கமல், போன்ற முன்னணி நடிகர்களுக்கு ஜோடியாக பல படங்களில் நடித்துள்ள இவர், தற்போது வரை சுமார் 200-க்கும் மேற்பட்ட படங்களில் நடித்துள்ளார். தமிழ் மட்டுமல்லாமல், தெலுங்கு, கன்னடம், மலையாளம், இந்தி உள்ளிட்ட அனைத்து மொழிகளிலும் நடித்துள்ளார்.
இவர் ஒரு நடிகையாக மட்டுமல்லாமல் இயக்குனர், தயாரிப்பாளர், டப்பிங் ஆர்ட்டிஸ்ட், என பன்முக கலைஞராகவும் விளங்குகிறார். இவரது இயக்கத்தில் தெலுங்கில் வெளியான 'த்ருஷ்யம்' - மலையாளம், தமிழ் உள்ளிட்ட மொழிகளில் ரீ-மேக் செய்யப்பட்டு த்ரிஷ்யம், பாபநாசம் என்ற பெயர்களில் வெளியானது.
மேலும் இவரது தயாரிப்பில் 1979-ல் வெளியான 'நீயா' படம் பெரிய அளவில் தமிழில் ஹிட் கொடுத்தது. இந்த படத்தை இவரது தாயாரும் சேர்ந்து தயாரித்துள்ளார்.
இந்த நிலையில் இவரது தாயாரான கிரிஜா பக்கிரிசாமிக்கு தற்போது 81 வயதாகும் நிலையில், வயது மூப்பு காரணமாக உயிரிழந்தார். ஸ்ரீ பிரியாவின் தாயார் மறைவிற்கு பலரும் இரங்கல் தெரிவித்து வருகின்றனர்.
மேலும் திரை பிரபலங்கள் நேரில் அஞ்சலி செலுத்தி வருகின்றனர்.. கிரிஜா பக்கிரிசாமி 'நீயா', 'நட்சத்திரம்', காதோடு தான் நான் பேசுவேன்' உள்ளிட்ட படங்களை தயாரித்துள்ளார் என்பது குறிப்பிடத்தக்கது.
Also Read
-
சிறுமி கூட்டு பாலியல் வன்கொடுமை : உடந்தையாக இருந்த சக மாணவன் : 5 சிறுவர்களின் செயலால் அதிர்ச்சி !
-
உ.பி-யில் பாஜக வேட்பாளரை முற்றுகையிட்டு பொதுமக்கள் கேள்வி : வீடியோ எடுத்தவர்களை மிரட்டிய பாஜகவினர் !
-
அரவிந்த் கெஜ்ரிவால் தேர்தல் பிரச்சாரத்தில் தலையிட முடியாது : உச்ச நீதிமன்றம் உறுதி !
-
“என்னுடைய செயல்பாடு திருப்தி அளிக்கவில்லை” - தங்கப்பதக்கம் வென்றும் நீரஜ் சோப்ரா விரக்தி !
-
"ஒவ்வொரு நாளும் இதற்காக வருத்தப்படுவேன்"- சர்வதேச போட்டிகளில் இருந்து ஓய்வை அறிவித்தார் சுனில் சேத்திரி !