Cinema
“அஜித் சார் ரசிகனா என்ன பண்ணணுமோ பண்ணிருக்கேன்..” - துணிவு பட பாடல் குறித்து ஜிப்ரான் தகவல் !
அஜித் சாருக்கு ஒரு ரசிகனா என்ன பண்ணணுமோ பண்ணிருக்கேன்.. என்று துணிவு படத்தின் இசையமைப்பாளர் ஜிப்ரான் தெரிவித்துள்ளார்.
தமிழில் முன்னணி நடிகராக இருப்பவர் நடிகர் அஜித். இவரது நடிப்பில் வெளியான படங்கள் அனைத்தும் வசூல் ரீதியாக பெரிய அளவில் தூக்கி விடும். இவரது நடிப்பில் அண்மையில் வெளியான 'வலிமை' படம் ரசிகர்கள் மத்தியில் பெரிதும் கொண்டாடப்பட்டது.
இதைத்தொடர்ந்து தற்போது எச். வினோத் இயக்கத்தில் அஜித் நடிக்கும் படம் தான் 'துணிவு'. இந்த படத்தில் அஜித்துடன் மஞ்சு வாரியர், சமுத்திரக்கனி, ஜான் கோக்கன், ஆமிர், மமதி சாரி உள்ளிட்ட பலரும் நடித்துள்ளனர். போனிகபூர் தயாரிப்பில் உருவாகும் இந்த படத்திற்கு இசையமைப்பாளர் ஜிப்ரான் இசையமைத்துள்ளார்.
பொங்கலையொட்டி விஜயின் வாரிசும், அஜித்தின் துணிவும் போட்டிபோடும் என்று ரசிகர்கள் மத்தியில் பெரிதும் எதிர்பார்க்கப்பட்டு வருகிறது. எனவே இந்த படத்தின் பணிகள் தீவிரமாக நடைபெற்று வருகின்றன. டப்பிங் பணிகள் தீவிரமாக நடைபெற்று வரும் நிலையில், இந்த படத்தின் முதல் பாடலான அனிருத் பாடியுள்ள 'சில்லா சில்லா' என்ற பாடல் விரைவில் வெளியாகவுள்ளதாக படக்குழுவினர் நேற்று அறிவித்திருந்தனர்.
இந்த நிலையில், தற்போது 'துணிவு' படத்தின் பாடல் குறித்து அப்படத்தின் இசையமைப்பாளர் ஜிப்ரான் ருசீகரமான தகவல் ஒன்றை தெரிவித்துள்ளார்.
அப்போது அவர் கூறியதாவது, "அஜித் சாருக்கு ஒரு ரசிகனா என்ன பண்ணனும்னு நினைக்கிறேனோ, எந்த மாதிரி நடனம் இருக்கும்னு நினைக்கிறேனோ அதை பண்ணியிருக்கேன். இந்த படத்தின் பாடல்கள் மாஸாக இருக்கும். வேறு எதையும் கேட்க வேண்டாம்" என்றார். இது தற்போது ரசிகர்கள் மத்தியில் பெரும் குஷியை ஏற்படுத்தியுள்ளது.
Also Read
-
தமிழ்நாட்டில் பள்ளிவாசல்களை அகற்றுவதா? : த.வெ.க அரசின் நடவடிக்கைக்கு ஜவாஹிருல்லா கண்டனம்!
-
Data கசிவு.. 15 பேர் சஸ்பெண்ட்.. ஆந்திராவுடன் சேர்ந்த 3 பணியாளர்கள்.. Guidance TN-ல் ஆந்திர Sleeper Cell?
-
வி.எஸ்.பாபு காலமானார் : தி.மு.க தலைவர் மு.க.ஸ்டாலின் இரங்கல்!
-
அமைச்சர் வன்னி அரசு மீது கர்நாடக அரசு வழக்குப் பதிவு? அம்மாநில வனத்துறை அமைச்சர் அதிரடி அறிவிப்பு!
-
ஒரு சதவீதம்கூட உண்மையில்லை ; ஜூனியர் விகடன் மன்னிப்பு கேட்க வேண்டும் : எ.வ.வேலு பேட்டி!