Cinema
“எப்படி இருக்கீங்க?” : நேரில் சந்தித்து நலம் விசாரித்துக் கொண்ட முதல்வர் மு.க.ஸ்டாலின் - நடிகர் விஜய்!
தமிழ்நாடு முதலமைச்சர் மு.க.ஸ்டாலின் அவர்களும், நடிகர் விஜய்யும், தயாரிப்பாளர் கல்பாத்தி அகோரம் மகள் திருமண வரவேற்பில் சந்தித்து நலம் விசாரித்துக் கொண்டனர்.
தமிழ் திரையுலகில் மிகவும் பிரபலமான தயாரிப்பு நிறுவனம் ஏஜிஎஸ் என்டர்டெயின்மென்ட். தற்போது இந்நிறுவனத்தை கல்பாத்தி அகோரம் நிர்வகித்து வருகிறார்.
ஏஜிஎஸ் என்டர்டெயின்மென்ட் நிறுவனம், மாற்றான், தனி ஒருவன், பிகில் உள்ளிட்ட பல திரைப்படங்களைத் தயாரித்துள்ளது.
கடைசியாக கல்பாத்தி அகோரம், அட்லி இயக்கத்தில் விஜய் நடித்து வெளியான ‘பிகில்’ திரைப்படத்தை மிகப்பெரிய பட்ஜெட்டில் தயாரித்திருந்தார்.
இந்நிலையில், கல்பாத்தி அகோரமின் மகள் ஐஷ்வர்யா கல்பாத்தி - ராகுல் ராய் திருமண வரவேற்பு நிகழ்வு இன்று சென்னையில் நடைபெற்றது. நடிகர் விஜய் உள்ளிட்ட திரையுலக பிரபலங்கள் பலரும் இந்த வரவேற்பு நிகழ்வில் பங்கேற்றனர்.
மேலும், இந்த நிகழ்வில் முதலமைச்சர் மு.க.ஸ்டாலின் கலந்துகொண்டார். அப்போது, தமிழ்நாடு முதலமைச்சர் மு.க.ஸ்டாலின் அவர்களும், நடிகர் விஜய்யும் வணக்கம் சொல்லி பரஸ்பரம் நலம் விசாரித்துக் கொண்டனர்.
மேலும், தி.மு.க இளைஞரணி செயலாளரும் எம்.எல்.ஏவுமான உதயநிதி ஸ்டாலினுடனும் கைகுலுக்கி கட்டியணைத்து அன்பைப் பரிமாறிக்கொண்டார் விஜய்.
தமிழ்நாடு முதலமைச்சர் மு.க.ஸ்டாலின் அவர்களும், நடிகர் விஜய்யும் சந்தித்துக்கொண்ட புகைப்படங்கள் தற்போது சமூக வலைதளங்களை ஆக்கிரமித்து வருகின்றன.
Also Read
-
மணிப்பூர் வன்முறை - கைகட்டி வேடிக்கை பார்த்த ஒன்றிய பா.ஜ.க. அரசும் குற்றவாளி அல்லவா? : முரசொலி!
-
3 ஆண்டுகளாக பாலியல் தொல்லை : முன்ஜாமீன் கோரிய முன்னாள் அமைச்சர் ரேவண்ணா - கர்நாடக அரசியலில் அதிர்ச்சி !
-
மேற்கு வங்க ஆளுநர் மீது பாலியல் புகார் - மோடி கொல்கத்தா நேரத்தில் செல்லும் வெளிவந்த அதிர்ச்சி !
-
மீண்டும் மீண்டும் அவமானப்படும் மோடி! : பொய்களின் மேல் பொய்கள்!
-
"ரிங்கு சிங்கை அணியில் சேர்க்காதது மிகவும் கடினமான முடிவு" - தேர்வுக்குழு தலைவர் அகர்கர் கூறியது என்ன ?