“நம்ம பையன் ஒருத்தன் உள்ள இருக்கான்”: தெறிக்கவிட்ட Beast ட்ரெய்லர்- சில நிமிடங்களிலேயே 2 மில்லியன் views!

விஜய்யின் ‘பீஸ்ட்’ ட்ரெய்லர் இன்று மாலை 6 மணிக்கு வெளியானது.

நெல்சன் இயக்கத்தில் விஜய், பூஜா ஹெக்டே ஆகியோர் நடித்துள்ள ‘பீஸ்ட்’ திரைப்படம் ஏப்ரல் 13-ஆம் தேதி திரைக்கு வர உள்ளது. மிகுந்த எதிர்பார்ப்புகளை ஏற்படுத்தியுள்ள ‘பீஸ்ட்’ திரைப்படத்தின் ட்ரெய்லர் இன்று மாலை 6 மணிக்கு வெளியானது.

இப்படத்தின் தயாரிப்பு நிறுவனமான சன் பிக்சர்ஸ், இந்தியாவில் முதல்முறையாக பீஸ்ட் திரைப்படத்தின் ட்ரெய்லரை 'பிரீமியம் லார்ஜ் ஃபார்மட்' என்ற நவீன டெக்னாலஜி முறையில் வெளியிட்டுள்ளது.

சற்று முன்பு வெளியான ‘பீஸ்ட்’ ட்ரெய்லர் சில நிமிடங்களிலேயே 2 மில்லியன் பார்வைகளைக் கடந்து சாதனை படைத்துள்ளது.

இந்த ட்ரெய்லரில் விஜய்யின் மாஸான காட்சிகள் இடம்பெற்றுள்ளதைத் தொடர்ந்து விஜய் ரசிகர்கள் சமூக வலைதளங்களில் கொண்டாடி வருகின்றனர்.