மீண்டும் தள்ளிப்போனது ராஜமெளலியின் RRR பட ரிலீஸ் - ரசிகர்கள் அதிர்ச்சி!

பாகுபலி படங்களின் பிரமாண்ட வெற்றிக்கு பின்னர் ராஜமெளலி இயக்கத்தில் இந்தியாவின் ஐந்து மொழிகளில் வெளியீட்டுக்காக காத்திருக்கிறது RRR.

ராம்சரண், ஜூனியர் என்.டி.ஆர்., ஆலியா பட் உட்பட கோலிவுட், டோலிவுட், பாலிவுட், ஹாலிவுட் என அனைத்து மொழி திரையுலக நடிகர்களும் சங்கமிக்கும் படமாக உருவாகியுள்ளது ஆர்.ஆர்.ஆர்.

ஏற்கெனவே கொரோனா முதல் இரண்டு அலைகளின் தாக்கத்தால் தொடர்ந்து தள்ளிப்போன இந்த படம் எதிர்வரும் 7ம் தேதி ரிலீஸாக இருப்பதாக அறிவிக்கப்பட்டது. இதற்காக அனைத்து மொழிகளிலும் புரோமோஷன் வேலைகளில் படக்குழு ஈடுபட்டு வருகிறது.

இப்படி இருக்கையில் இந்தியாவில் ஒமைக்ரான் பரவல் காரணமாக தமிழ்நாடு உட்பட நாட்டின் பல்வேறு முக்கியமான நகரங்களில் கொரோனா தொற்றை தடுக்கும் வகையில் கட்டுப்பாடுகள் விதிக்கப்பட்டுள்ளன. அதில் திரையரங்குகளில் 50% பார்வையாளர்களே அனுமதிக்க வேண்டும் எனவும் அறிவிக்கப்பட்டுள்ளது.

இதன் காரணமாக ராஜமெளலியின் ஆர்.ஆர்.ஆர் படம் மீண்டும் தள்ளிப்போவதாக சினிமா வட்டாரத்தில் பேசப்பட்டு வருகிறது. இந்த நிலையில் இதனை மெய்ப்பிக்கும் விதமாக ஆர்.ஆர்.ஆர். படம் 7ம் தேதி வெளியாகாது என படக்குழு தரப்பில் அதிகாரப்பூர்வமாக அறிவிக்கப்பட்டுள்ளது.