பேய் ஓட்டும் விஜய் சேதுபதி..? - மிஷ்கினின் 'பிசாசு 2' அப்டேட்!

இயக்குநர் மிஷ்கின் இப்போது ஆண்ட்ரியா நடிப்பில் 'பிசாசு 2' படத்தை இயக்கிக் கொண்டிருக்கிறார். இந்தப் படத்தை ராக்போர்ட் எண்டர்டெயின்மெண்ட் நிறுவனம் தயாரித்து வருகிறது. கார்த்திக் ராஜா இசையமைக்கிறார்.

‘சைக்கோ’ படத்தின் வெற்றியைத் தொடர்ந்து மிஷ்கின் ‘துப்பறிவாளன் 2’ இயக்க இருந்த நிலையில், நடிகர் விஷால் உடனான பிரச்சினை காரணமாக படத்தில் இருந்து விலகினார். அடுத்து யாருமே எதிர்பார்க்காத வகையில் ‘பிசாசு 2’ படத்துக்கான வேலைகளை மும்முரமாக தொடங்கினார்.

இந்தநிலையில் லேட்டஸ்ட் அப்டேட்டாக விஜய் சேதுபதி இந்தப் படத்தில் பேய் ஓட்டும் ரோலில் நடிக்க இருப்பதாகச் சொல்லப்படுகிறது. ஆனால் இது கேமியோ ரோலாக இருக்கும் என சொல்லப்படுகிறது. இது பற்றிய அதிகாரப்பூர்வ அறிவிப்பு சீக்கிரம் வெளியாகும் என எதிர்பார்க்கப்படுகிறது.