அதிரடி நாயகனுடன் கைகோர்க்கும் காமெடி பட இயக்குநர்?

அதிரடி ஆக்ஷன் ஹீரோவாக தமிழ் சினிமாவில் ஹிட் கொடுத்தவர் நடிகர் அருண் விஜய். இவருடைய கரியரில் அஜித் உடன் நடித்த என்னை அறிந்தால் திரைப்படம் ரொம்பவும் முக்கியமானது. விக்டர் கதாபாத்திரத்துக்கு பிறகு அருண்விஜய் வேற லெவலுக்கு போனார்.

அந்தப் படத்துக்கு பின்னர் தெலுங்கு சினிமாவில் முன்னணி நடிகர்களுக்கு வில்லனாக நடித்தார். அதே சமயத்தில் ஹீரோவாகவும் சில படங்களில் நடித்து ஹிட் கொடுத்தார். ஹீரோவாக இவர் ஜெயித்ததிற்கு மகிழ்திருமேனி ரொம்பவும் முக்கியமான காரணம். மகிழ்திருமேனி மற்றும் அருண் விஜய் கூட்டணியில் வெளியான எல்லாப் படங்களுமே ஹிட் அடித்தன. தொடர்ந்து த்ரில்லர் ஜானர் படங்களில் நடித்துக் கொண்டிருந்தவருக்கு, அடுத்ததாக அறிவழகன் இயக்கத்தில் `பாடர்' படம் ரிலீஸ்க்குத் தயாராக உள்ளது.

இப்போது அருண் விஜய் அடுத்ததாக பக்கா காமெடி, சென்டிமென்ட் இயக்குனரான ராதாமோகன் இயக்கத்தில் ஒரு படத்தில் நடிக்க இருப்பதாக செய்திகள் வெளியாகிக் கொண்டிருக்கிறது. இப்போது ராதாமோகன் இயக்கத்தில் மலேசியா டூ அம்னீஷியா படம் ஜீ5-யில் ரிலீஸ் ஆக இருக்கிறது. இந்தப் படத்துக்குப் பிறகு அருண் விஜய் மற்றும் ராதா மோகன் கூட்டணியில் ஒரு படம் உருவாக இருப்பதாக சொல்லப்படுகிறது.