அர்ஜூன் தாஸ் நடிப்பில் வெளியான மியூசிக் வீடியோ!

ஊரடங்கு காலத்தில் வெப் சீரிஸ்கள், படங்களை ஓ.டி.டி தளங்களில் ரிலீஸ் செய்வது பரபரப்பாக நடந்து கொண்டிருக்கிறது. அதேபோல, இன்னொரு விஷயத்தையும் பரபரப்பாக பலரும் செய்துவருகிறார்கள். அதுதான் மியூசிக் வீடியோ.

கவின் - தேஜூ அஸ்வின் நடிப்பில் அஸ்க்கு மாரோ பாடல் வெளியானது. அதற்கு தரண் இசையமைத்திருந்தார். அஸ்வின் - ரெபா மோனிகா நடிப்பில் குட்டி பட்டாசு பாடல் வெளியானது. இதற்கு சந்தோஷ் தயாநிதி இசையமைத்திருந்தார்.

அடுத்ததாக அஷ்வின் - தன்யா நடிப்பில் க்ரிமினல் க்ரஷ் பாடல் வெளியானது. அனிருத் பாடியிருந்த இந்தப் பாடலுக்கு காட்சன் இசையமைத்திருந்தார். இப்போது இந்தப் பட்டியலில் புதிதாக ஒரு பாடல் இணைந்திருக்கிறது.

போட்டும் போகட்டுமே என்ற இந்தப் பாடலில் அர்ஜூன் தாஸ் - லாவண்யா திரிபாதி நடித்திருக்கிறார்கள். இந்த மியூசிக் வீடியோ நேற்று ரிலீஸ் செய்யப்பட்டது. சத்யஜித் ரவி - ஜென் மார்டின் இந்தப் பாடலுக்கு இசையமைத்துப் பாடியும் இருக்கிறார்கள்.

இதுவரை இந்த பாடல்களை, படத்திற்கு இசையமைத்தவர்கள் செய்திருந்தார்கள். ஆனால், இந்த முறை இன்டிபென்டன்ட் கலைஞர்கள் இசையமைத்திருக்கிறார்கள்.