இயக்குநர் சங்கத்துக்கு ரூ.10 லட்சம் நன்கொடை வழங்கிய நடிகர் சூர்யா!

சமீப காலங்களாக முன்னணி நடிகர்கள் பலர் தமிழ் திரைப்பட சங்கங்களுக்கு நிதியளிப்பதும், படம் வெற்றி பெற்றதும் படக்குழுவினருக்கு பரிசளிப்பதையும் வாடிக்கையாகக் கொண்டுள்ளனர்.

அந்த வகையில் அண்மையில் வெளியான காப்பான் படம் வசூல் ரீதியாக வெற்றியடைந்ததால் தன்னுடைய படக்குழுவினருக்கும் நடிகர் சூர்யா தங்கக்காசுகள் கொடுத்து மகிழ்வித்திருத்திருந்தார்.

அதேபோல, சுதா கோங்கரா இயக்கத்தில் நடித்து வந்த சூரரைப் போற்று படத்தின் ஷூட்டிங் முடிவடைந்ததும் அந்த படக்குழுவினருக்கும் தங்கக் காசு கொடுத்துள்ளார் நடிகர் சூர்யா.

இந்த நிலையில், தமிழ் திரைப்பட இயக்குநர்கள் சங்க அறக்கட்டளைக்கு நலத்திட்ட உதவியாக ரூ.10 லட்சத்துக்கான காசோலையை நடிகர் சூர்யா தமிழ் திரைப்பட இயக்குநர்கள் சங்கத்தின் பொதுச்செயலாளர் ஆர்.வி. உதயக்குமாரிடம் நன்கொடையாக அளித்துள்ளார்.