நடிகர் அஜித்தின் விவேகம் பட தயாரிப்பாளர் மீது மோசடி புகார்!

நடிகர் அஜித்குமார் நடிப்பில் 2017ம் ஆண்டில் வெளியான திரைப்படம் விவேகம். இந்தப்படத்தை சத்யஜோதி பிலிம்ஸ் சார்பில் தியாகராஜன் தயாரித்து இருந்தார்.

மலேசியாவில் விவேகம் படத்தை திரையிட 4.25 கோடி ரூபாய் தங்களிடம் பெற்றுக்கொண்டு வேறு நிறுவனத்திற்கு உரிமையை வழங்கி விட்டதாக மலேசியாவை சேர்ந்த டி.எஸ்.ஆர். நிறுவனம் சென்னை எழும்பூர் நீதிமன்றத்தில் புகார் மனு அளித்தது.

அந்த மனுவில், கடந்த 2017ம் ஆண்டில் இது குறித்து சென்னை காவல் ஆணையரிடம் புகார் அளித்தும், அந்தப்புகாரின் மீது எந்த நடவடிக்கையும் எடுக்கவில்லை என கூறப்பட்டுள்ளது. இந்த மனுவை விசாரித்த நீதிபதி பி.நாகராஜன், மனுதாரரின் குற்றச்சாட்டுக்கு முகாந்தரம் உள்ளது எனக் கூறி, புகார் மீது வழக்குப்பதிவு செய்ய மத்திய குற்றப்பிரிவுக்கு உத்தரவிட்டார்