உலகம்
ஒரு மசால் தோசை ரூ.1,493 ஆ..? - கல்லாகட்டும் கடை.. அதிர்ச்சியில் உணவு பிரியர்கள் !
அமெரிக்காவின் மேற்கு கடலோரத்தில் அமைந்திருக்கும் சியாட்டில் என்ற பகுதியில் 'Indian Crepe Co' என்ற பெயரில் உணவகம் ஒன்று செயல்பட்டு வருகிறது. இந்த உணவகத்தில் அங்குள்ள இந்திய மக்கள் வருகை அதிகரித்ததைத் தொடர்ந்து, இந்திய உணவுகளின் விற்பனையும் அதிகரித்துள்ளதாகக் கூறப்படுகிறது.
அதிலும் குறிப்பாக தென் இந்தியாவில், தமிழ்நாட்டில் பிரபலமான இட்லி, தோசை, மசால் தோசை, சாம்பார் வடை உள்ளிட்ட உணவுக்கு அங்கே வரவேற்பு அதிகமாக இருக்கிறது. பெயர் மாற்றி விற்பனை செய்யப்படும் இந்த உணவு ஒவ்வொன்றின் விலையும் இந்திய மதிப்பில் ரூ.1000-க்கும் மேலாகும்.
அதாவது அங்கே,
Naked Crepe என்று அழைக்கப்படும் சாதா தோசையின் விலை 17.59 டாலர் - இந்திய மதிப்பில் 1,406.02 ரூபாயாகும்.
Smashed Potato Crepe என்று அழைக்கப்படும் மசால் தோசை தோசையின் விலை 18.69 டாலர் - இந்திய மதிப்பில் 1,493.95 ரூபாயாகும்.
Dunked Doughnut Delight என்று அழைக்கப்படும் சாம்பார் வடையின் விலை 16.49 டாலர் - இந்திய மதிப்பில் 1,318.10 ரூபாயாகும்.
Dunked Rice Cake Delight என்று அழைக்கப்படும் சாம்பார் இட்லியின் விலை, 15.39 டாலர் - இந்திய மதிப்பில் 1,230.24 ரூபாயாகும்.
இது தொடர்பாக கடந்த இரண்டு நாட்களுக்கு முன்பு இணையவாசி ஒருவர் தனது ட்விட்டர் பக்கத்தில் புகைப்படம் ஒன்றை பகிர்ந்திருந்தார். இந்த பதிவு தற்போது வைரலாகி வருகிறது. ஆனால் எங்கே போனாலும் இந்த தோசையின் விலை மட்டும் அதிகமாக உள்ளது என்று இணையவாசிகள் கிண்டலடித்து வருகின்றனர்.
Also Read
-
3 கி.மீ. வேகத்தில் நகரும் அக்வான் புயல்... நவ.20 அன்று கரையைக் கடக்கிறது! : வானிலை ஆய்வு மையம் தகவல்!
-
“முதலமைச்சருக்கு அரோகரா..? ஆணவத்தின் உச்சம்! அழிவு நிச்சயம்!” : கீதா ஜீவன் கண்டனம்!
-
“காவல்நிலையங்களே அச்சுறுத்தலாவதா? மனித உரிமை என்னாயிற்று?” : ஆசிரியர் கி.வீரமணி கேள்வி!
-
“மேகதாது என்பது படமல்ல; கோடிக்கணக்கான தமிழ்மக்களின் வாழ்வாதாரம்!” : முரசொலி தலையங்கம் அறிவுறுத்தல்!
-
வெட்கமில்லாமல்... : சோனியாகாந்தியின் புத்தக வெளியீட்டு விழாவில் பங்கேற்ற விஜய்க்கு அப்பாவு கண்டனம்!