Tamilnadu
மதிப்பெண் குறைந்துவிடுமோ என்ற அச்சம்.. தேர்வு எழுதாமலேயே 10ம் வகுப்பு மாணவி எடுத்த விபரீத முடிவு!
சென்னை அடுத்த மணலி ஹரிகிருஷ்ணபுரம் பகுதியைச் சேர்ந்த ரவிசங்கர். இவர் வெல்டிங் வேலை செய்து வருகிறார். இவரது மகள் ராஜஸ்ரீ மணலி பாடசாலை தெருவில் உள்ள அரசு மேல்நிலைப்பள்ளியில் பத்தாம் வகுப்பு படித்து வந்தார். தற்போது பத்தாம் வகுப்பு பொதுத் தேர்வு நடந்து வருகிறது. இதனால் மாணவி பொதுத் தேர்வு எழுதி வந்துள்ளார்.
இந்நிலையில் இன்று கணித தேர்வு நடைபெறுகிறது. இதனால் நேற்று மகளிடம் கணித தேர்வுக்கு நன்றாகப் படிக்கும் படி சொல்லி விட்டுப் பெற்றோர்கள் வெளியே சென்றுள்ளார். இதையடுத்து கணித தேர்வுக்குப் பயந்த மாணவி வீட்டில் யாரும் இல்லாததால் உடலில் மண்எண்ணையை ஊற்றித் தீவைத்துக் கொண்டார்.
இவரது அலறல் சத்தம் கேட்டு அக்கம் பக்கத்தினர் ஓடி வந்து பார்த்து அவரை மீட்டு அருகே இருந்த மருத்துவமனைக்கு அனுப்பிவைத்தனர். அங்குச் சிகிச்சை பலனின்றி மாணவி உயிரிழந்தார்.
இச்சம்பவம் குறித்து போலிஸார் வழக்குப் பதிவு செய்து விசாரணையில் ஈடுபட்டு வருகின்றனர். போலிஸார் நடத்திய முதற்கட்ட விசாரணையில் கணித தேர்வுக்குப் பயந்து மாணவி தற்கொலை செய்து கொண்டது தெரியவந்துள்ளது. கணித தேர்வுக்குப் பயந்து மாணவி தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தியுள்ளது.
Also Read
-
விடியல் பயண திட்டம் - பெண்களின் முன்னேற்றத்தைக் கண்டு அஞ்சும் மோடி : முதலமைச்சர் மு.க.ஸ்டாலின் பதிலடி!
-
”பாஜகவின் பிளவுவாதக் கனவுகள் ஒருபோதும் பலிக்காது இந்தியா வெல்லும்” : முதலமைச்சர் மு.க.ஸ்டாலின் அதிரடி!
-
”தினந்தோறும் விதவிதமாகப் படம் காட்டும் மோடி” : வெளுத்து வாங்கிய முரசொலி!
-
”இந்தியா கூட்டணி 300 இடங்களுக்கு மேல் வெற்றி பெறும்” : மல்லிகார்ஜூன கார்கே திட்டவட்டம்!
-
“உங்களுக்கு வெட்கமே இல்லையா?” - மம்தா குறித்த பாஜக வேட்பாளரின் பேச்சுக்கு குவியும் கண்டனம்!